მენიუ
  2. |
  3. საერთაშორისო
  4. |
  5. Page 4

სტუდენტთა მობილობის შესარჩევი კონკურსი – ჩეხეთის, პრაღის სასცენო ხელოვნების აკადემია

ცხადდება კინოს მხატვრობის მიმართულების სტუდენტთა მობილობის შესარჩევი კონკურსი – ჩეხეთის, პრაღის სასცენო ხელოვნების აკადემია- კინო და ტელე სკოლაში Chzech republic, Academy of Performing arts- in Prague- Cinema and TV school, FAMU, ორმხრივი ხელშეკრულების ფარგლებში (სტუდენტი არ იხდის სწავლის საფასურს, თუმცა ყველა სხვა ხარჯს ფარავს თავად).
▫️საკონტაქტო პირი: Anna Šlajová erasmus.incoming@famu.cz
იხილეთ თანდართული ბმული:
▫️აპლიკანტებს, გთხოთ გაითვალისწინოთ შემდეგი:
· მხოლოდ აქტიური სტატუსის მქონე სტუდენტს აქვს უფლება მონაწილეობა მიიღოს მობილობაში. შესაბამისად, სტუდენტი ვალდებულია დაფაროს სწავლის გადასახადი მობილობის სემესტრის დაწყებამდე

სტუდენტთა შესარჩევი კონკურსი, ‘დიზაინ კვირეული’, ზალცბურგი, ავსტრია (დიზაინის ფაკულტეტი)

ცხადდება სტუდენტთა შესარჩევი კონკურსი თსსა დიზაინის ფაკულტეტის, საბაკალავრო / სამაგისტრო საფეხურის სტუდენტებისთვის, ზალცბურგის საერთაშორისო/ინტერდისციპლინარულ დიზაინ კვირეულში (12 ადგილი) მონაწილეობის მისაღებად ა.წ. დეკემბერში, რომლის ორგანიზატორია ავსტრიის, ზალცბურგის გამოყენებით მეცნიერებათა უნივერსიტეტის -FH Salzburg University of Applied Sciences KUCHL-ის კამპუსში.
პროექტი ხორციელდება ერასმუს+ პროგრამის ფარგლებში ზალცბურგის უნივერსიტეტთან.
აპლიკანტ სტუდენტებს გთხოვთ, შესაბამისი ფაკულტეტების დეკანებს და კომისიებს წარუდგინოთ შემდეგი დოკუმენტები ინგლისურ ენაზე:
· CV
. ნიშნების ფურცელი (ქართულ ენაზე)
. მოტივაციის წერილი
. პორტფოლიო ინგლისურ ენაზე
· ინგლისური ან გერმანული ენის სერტიფიკატი B2, ან/და ინგლისური ან გერმანული ენის B2 დონეზე ცოდნის დამადასტურებელი ცნობა, გაცემული თსსა უცხოენის პედაგოგის მიერ – განსაკუთრებით მნიშვნელოვანია ინგლისური ენის სრულყოფილად ფლობა
. განცხადება კონკურსში მონაწილეობის თაობაზე (გთხოვთ, წარმოადგინოთ განცხადების ფოტო, თსსა კანცელარიაში განცხადების რეგისტრაციის შემდეგ)
საბუთების წარდგენის ბოლო ვადა: 2024 წლის 15 ოქტომბერი
საკონტაქტო პირი: ნატა ნიკოლეიშვილი
nata.nikoleishvili@art.edu.ge593799960
დიზაინ კვირეულში მონაწილეობისთვის, კონკურსში გამარჯვებულ – თსსა დიზაინის ფაკულტეტის სტუდენტებს, გადაეცემათ ერასმუს მოკლევადიანი მობილობის გრანტი!

ერასმუს მობილობა ავსტრიაში, ქ. ზალცბურგი – სამრეწველო დიზაინისა და ავეჯის პროექტირებისა და ხის მხატვრული დამუშავების მიმართულებების სტუდენტისთვის

ცხადდება სტუდენტთა ერთსემესტრიანი ერასმუს მობილობის შესარჩევი კონკურსი, თსსა დიზაინის ფაკულტეტის – სამრეწველო დიზაინის და ავეჯის
პროექტირებისა და ხის მხატვრული დამუშავების მიმართულებების საბაკალავრო და სამაგისტრო საფეხურის სტუდენტებისთვის (2 ადგილი) 2025 სასწავლო წლის გაზაფხულის სემესტრისთვის ავსტრიის, ზალცბურგის გამოყენებით მეცნიერებათა უნივერსიტეტში -FH Salzburg University of Applied Sciences.
აპლიკანტ სტუდენტებს გთხოვთ, ფაკულტეტის დეკანს, შესაბამისი მიმართულებების ხელმძღვანელებსა და კომისიებს წარუდგინოთ შემდეგი
დოკუმენტები ინგლისურ ენაზე:
· CV
· პორტფოლიო ინგლისურ ენაზე
· ნიშნების ფურცელი (ქართულ ენაზე)
· მოტივაციის წერილი
· ინგლისური ან გერმანული ენის სერტიფიკატი B2, ან/და ინგლისური ან გერმანული ენის B2 დონეზე ცოდნის დამადასტურებელი ცნობა, გაცემული თსსა უცხოენის პედაგოგის მიერ.
· განცხადება კონკურსში მონაწილეობის თაობაზე (გთხოვთ,
წარმოადგინოთ განცხადების ფოტო, თსსა კანცელარიაში განცხადების რეგისტრაციის შემდეგ).
▫️საბუთების წარდგენის ბოლო ვადა: 7 ოქტომბერი, 2024 წელი
საკონტაქტო პირი: ნატა ნიკოლეიშვილი nata.nikoleishvili@art.edu.ge
+995593799960
აპლიკანტებს, გთხოთ გაითვალისწინოთ შემდეგი:
· ერასმუს+ პროგრამის რეგულაციების მიხედვით, მხოლოდ აქტიური სტატუსის
მქონე სტუდენტს აქვს უფლება მონაწილეობა მიიღოს ერასმუს მობილობაში.
შესაბამისად, სტუდენტი ვალდებულია დაფაროს სწავლის გადასახადი
მობილობის სემესტრის დაწყებამდე
. სტუდენტებს გთხოვთ გაეცნოთ ერასმუს გზამკვლევს შემდეგ ბმულზე
. ფაკულტეტის კომისიის მიერ ნომინირებული სტუდენტების მობილობის
საბოლოო შერჩევას ახდენს ერასმუს პარტნიორი უნივერსიტეტი
.ერასმუს კონკურსში გამარჯვებული სტუდენტი ვალდებულია თავის თავზე აიღოს აუცილებელი ხარჯები მანამ, სანამ მას მიეცემა ერასმუს გრანტი დანიშნულების ქვეყანაში ჩასვლის შემდეგ.

თსსა ვიზიტი ავსტრიაში ‘exhibition design’ -ის პროგრამის გასაცნობად

ავსტრიის, გრაცის გამოყენებით მეცნიერებათა უნივერსიტეტთან თანამშრომლობის ფარგლებში-FH Joanneum University of Applied Sciences, დაიწო ახალი ‘exhibition design’ პროგრამის შექმნის პროცესი რომელიც პირველ ეტაპზე, გულისხმობს პროგრამის დანერგვას თსსა უწყვეტი განათლების ცენტრში, და შემდეგ კი, სახვითი ხელოვნების ფაკულტეტზე.

ა.წ. სექტემბერში განხორციელდა თსსა პროფესორების- ქრისტინე დარჩია (ხელოვნების ისტორიკოსი, კურატორი) და დათო სილაგაძე (ფერწერის მიმართულება) პირველი შეხვედრა გრაცში, ხოლო მეორე შეხვედრა, თსსა სხვა 2 პროფესორის მონაწილეობით, დაიგეგმა 2025 წლის იანვარში.
თსსა წარმომადგენლებმა შეისწავლეს ‘exhibition design’ პროგრამა, საგნები/კრედიტები, დაესწრენ სადიპლომო ნამუშევრების დაცვებს

460918794_944694651029654_8002905654500818773_n

XIII. შექმნილია არტისტის მიერ – საერთაშორისო სიმპოზიუმი და გამოფენა

XIII. შექმნილია არტისტის მიერ. – ხელოვნებისა და დიზაინის მომავალი ციფრულ ეპოქაში. საერთაშორისო სიმპოზიუმი და გამოფენა!

სიმპოზიუმის გუნდი იწვევს მკვლევრებსა და ხელოვანებს სხვადასხვა ქვეყნიდან! თქვენთან ერთად ვიმსჯელებთ ხელოვნებაში მომავლის ტექნოლოგიების მაქსიმალური გამოყენების შესაძლებლობებზე და პერსპექტივებზე. გთხოვთ, გაგვიზიაროთ თქვენი გამოცდილება და მოსაზრებები საკითხის მხატვრული თუ სამეცნიერო კვლევის შედეგებზე დაყრდნობით.

ველით თქვენს განაცხადებს!
სიმპოზიუმისა და ციფრული გამოცემების შესახებ დამატებითი ინფორმაცია იხ. https://madebyartist.org/en/anasayfa/

სიმპოზიუმის და გამოფენის ორგანიზატორები:

თბილისის სახელმწიფო სამხატვრო აკადემია და სტამბოლის ბეიკენტის უნივერსიტეტი.
ჩატარების ფორმატი: ონლაინ და ფიზიკურ სივრცეში;
ჩატარების ადგილი : საქართველო, თბილისი, სახელმწიფო სამხატვრო აკადემია, ალ. გრიბოედოვის N22
ჩატარების დრო: 17-18 დეკემბერი, 2024

სიმპოზიუმის მონაწილეებისთვის:
თეზისების მიღების ბოლო ვადა: 5 ოქტომბერი, 2024
მონაწილეობის შესახებ დასტური: 10 ოქტომბერი, 2024
მონაწილეობის ხარჯები:
– მონაწილეობა უფასოა თბილისის სახელმწიფო სამხატვრო აკადემიის წარმომადგენლებისთვის;
– სხვა მონაწილეებისთვის, მონაწილეობის თანხის გადასახადის ვადა 21 ოქტომბერი, 2024
სიმპოზიუმის პროგრამის გამოქვეყნების ვადა: 25 ოქტომბერი, 2024
სრული ტექსტის გაგზავნის ბოლო ვადა: 28 ოქტომბერი, 2024

სიმპოზიუმის სამუშაო ენები: ქართული, თურქული, ინგლისური
სიმპოზიუმის დასასრულს, შეიქმნება ელექტრონული წიგნი და გამოქვეყნდება ინტერნეტ სივრცეში.

დეტალური ინფორმაცია მომხსენებლებისთვის, იხილეთ ბმულზე
https://madebyartist.org/en/anasayfa/

გამოფენის მონაწილეებისთვის:

შესაძლებელია როგორც პერსონალური, ასევე ჯგუფური გამოფენის წარდგენა.
გამოფენაზე მონაწილეობისთვის მიიღება: ფერწერული ნამუშევარი, პრინტი (ორიგინალი), ფოტო ნამუშევარი, ციფრული დიზაინი, მოკლემეტრაჟიანი ფილმი;
ნამუშევარი შესრულებული უნდა იყოს ტილოზე ან ქაღალდზე;
მისაღებია ტილოზე ან ქაღალდზე შესრულებული ციფრული პრინტები;
ნამუშევრის სიგანე არ უნდა აღემატებოდეს 70 სმ-ს;
ნამუშევარი მზად უნდა იყოს ექსპონირებისთვის;
პერსონალური გამოფენისთვის უნდა იყოს მინიმუმ 15 ნამუშევარი;
ჯგუფური გამოფენა ლიმიტირებულია 100 ნამუშევრით;
პერსონალური გამოფენა ლიმიტირებულია 5 მონაწილით;
ნამუშევრებს თან უნდა ერთვოდეთ
ინფორმაცია ავტორისა და ნამუშევრების პარამეტრების შესახებ;

გამოფენის ონლაინ მონაწილეობის მსურველებს გთხოვთ, დეტალური ინფორმაცია იხ. ბმულზე
https://madebyartist.org/en/eser-gonder/

რეგისტრაციას ტრენინგების ციკლზე – კვლევის პასუხისმგებლიანად წარმართვა – კვლევის ეთიკა და კეთილსინდისიერება

2024 წლის შემოდგომის სემესტრისთვის, თბილისის სახელმწიფო სამხატვრო აკადემიის სამეცნიერო და შემოქმედებითი კვლევების სამსახური აცხადებს რეგისტრაციას ტრენინგების ციკლზე – კვლევის პასუხისმგებლიანად წარმართვა – კვლევის ეთიკა და კეთილსინდისიერება

პროექტის შესახებ დეტალური ინფორმაცია იხილეთ ბმულზე

სამეცნიერო პროექტი -ETHICS

თბილისის სახელმწიფო სამხატვრო აკადემიაში პროექტის „კვლევის პასუხისმგებლიანად წარმართვა – კვლევის
კეთილსინდისიერება და ეთიკა ქართულ უნივერსიტეტებში (ETHICS)“ ფარგლებში, 2024 წლის გაზაფხულზე ჩატარდა თორმეტი ტრენინგი კვლევის
ეთიკისა და კეთილსინდისიერების ევროპული სტანდარტების შესახებ. ტრენინგებს ესწრებოდნენ: სამხატვრო აკადემიის კვლევითი ერთეულების
სამეცნიერო პერსონალი, დოქტორანტები, მოწვეული პედაგოგები, აკადემიური პერსონალი. ტრენინგებს წარუძღვნენ თსს აკადემიის სამეცნიერო და
შემოქმედებითი კვლევებისა და განვითარების სამსახურის უფროსი, თამარ შავგულიძე და თსს აკადემიის მოწვეული ლექტორი, ქრისტინე დარჩია.
ტრენინგები მოიცავდა შემდეგ თემებს: პასუხისმგებლიანი კვლევის კულტურა და მისი ხელშეწყობა; პლაგიარიზმის პრობლემები და საზღვრები;
არაკეთილსინდისიერი კვლევა – გაფრთხილება და აღკვეთა (კარგი კვლევითი გამოცდილებისათვის პირობების შექმნა); კვლევაში ჩართული რესპოდენტების
დაცვის მექანიზმები; არაკეთილსინდისიერ ქცევათა ანგარიშწარმოება და მართვა აკადემიურ და კვლევით გარემოში; დარღვევების შემთხვევაში მორალური
პასუხისმგებლობისგან გათავისუფლება (გამიჯვნა,დეაქტივაცია) და UKRIO-ს პროცედურები დარღვევებზე რეაგირებისას; კვლევის ეთიკის კომიტეტები;
საავტორო და საგამომცემლო ეთიკა, პოლიტიკის დანერგვა; გენერაციული ხელოვნური ინტელექტის გამოწვევები; კვლევის კეთილსინდისიერების ოფიცრის
როლი უმაღლეს საგანმანათლებლო დაწესებულებაში.

თბილისის სახელმწიფო სამხატვრო აკადემიაში პროექტი „კვლევის პასუხისმგებლიანად წარმართვა – კვლევის კეთილსინდისიერება და ეთიკა
ქართულ უნივერსიტეტებში (ETHICS)“ ევროკომისიის ფინანსური მხარდაჭერით ხორციელდება.
პროექტის შესახებ დეტალური ინფორმაცია იხილეთ ბმულზე
https://ethics.iliauni.edu.ge/

თანდართული დოკუმენტი

Open Call 1

საერთაშორისო ვორქშოფი კულტურული მემკვიდრეობის კონსერვაციაში

საერთაშორისო ვორქშოფი კულტურული მემკვიდრეობის კონსერვაციაში – განაცხადის მიღების ბოლო ვადა 10/09/2024
მოხარულნი ვართ გაცნობოთ კიდევ ერთი საერთაშორისო ვორქშოფის განხორციელების თაობაზე, რომელიც საქართველოში კულტურული მემკვიდრეობის კონსერვაციის დარგის განვითარებას ემსახურება.

მორიგი საერთაშორისო ვორქშოფის თემას წარმოადგენს ,,მულტისპექტრული ფოტოგადაღება და მდგომარეობის 3დ ფოტოგრამეტრიული მონიტორინგი კედლის მხატვრობის კონსერვაციაში”.

პროექტის მთავარი დამფინანსებელი ორგანიზაცია განათლების საერთაშორისო ცენტრი გახლავთ. ვორქშოფის საერთაშორისო მენტორები არიან ვენდი როუზი (გეტის ინსტიტუტის კონსულტანტი, აშშ), ჯოშუა ჰილი (ეროვნული გალერეა, ლონდონი, დიდი ბრიტანეთი), ანდრეს უენი (ესტონეთის სამხატვრო აკადემია, ესტონეთი). პროექტი ხორციელდება გელათის რეაბილიტაციის კომიტეტთან და ესტონეთის სამხატვრო აკადემიასთან კოლაბორაციით.

ვორქშოფი გაიმართება გელათის სამონასტრო კომპლექსში, იმერეთში 2024 წლის 3, 4, 5, 6 ოქტომბერს. ღონისძიების მიზანია კედლის მხატვრობის კონსერვაციის დარგის განვითარება და საერთაშორისო სტანდარტით თანამედროვე 3დ მონიტორინგის მეთოდების საქართველოს კედლის მხატვრობის კონსერვაციის დარგში დანერგვა. ამასთან, კვლევის არაინვაზიური მეთოდის – მულტისპექტრული ფოტოგადაღების პრაქტიკის გაძლიერება.

ვორქშოფს ესწრება გელათის კედლის მხატვრობის კონსერვაციის ჯგუფი და ამასთან ცხაადება მიღება საქართველოს მოქალაქეებზე, რომელთაც სურთ მონაწილეობა მიიღონ აღნიშნულ ღონისძიებაში და აკმაყოფილებენ მოთხოვნებს (არიან კულტურული მემკვიდრეობის კონსერვაციის სფეროს წარმომადგენლები, აქვთ ფოტოგრაფიის საბაზისო ცოდნა, კომპიუტერული უნარები და ფლობენ ინგლისურ ენას). აქვე დავძენთ, კანდიდატთა მიღება შეზღუდულია. საჭირო საბუთების გამოგზავნის ბოლო ვადა 2024 წლის 10 სექტემბერია.

მოგმართავთ თხოვნით, რომ მოცემული ინფორმაცია გაავრცელოთ თქვენს სტუდენტებსა და კოლეგებში.

გარდა ამისა, დაგვეხმარებით თუკი შეძლებთ ვორქშოფის შესახებ ინფორმაციის გაზიარებას თქვენს სოციალურ ქსელებში, რათა უფრო ფართო აუდიტორიას მივაწვდინოთ ხმა.

ვორქშოფის პროგრამა და კანდიდატთა მიღების განაცხადი იხილეთ თანდართულ ბმულში.

თქვენი მხარდაჭერა და თანამშრომლობა ძალიან მნიშვნელოვანია კულტურული მემკვიდრეობის სფეროსთვის.

დიდი მადლობა მხარდაჭერისთვის!

დამატებითი კითხვების შემთხვევაში მოგვმართეთ.

საუკეთესო სურვილებით,
საორგანიზაციო ჯგუფი

საკონტაქტო ინფორმაცია:

პროექტის ხელმძღვანელი მარიამ საღარაძე: sagaradzemariam@gmail.com

პროექტის თანაორგანიზატორი ნინო კობერიძე: +995 551 107 001
პროექტის თანაორგანიზატორი ასმათ ტყეშელაშვილი: +995 598 585 598

საერთაშორისო საგანმანათლებლო პროექტის ფარგლებში ,,დიზაინ ლაბი – ინტერტექსტუალური სინერგია დიზაინში’’ გრძელდება სემინარების ციკლი

თსსა მოდის დიზაინის მიმართულება – საერთაშორისო საგანმანათლებლო პროექტის ფარგლებში ,,დიზაინ ლაბი – ინტერტექსტუალური სინერგია დიზაინში’’ აგრძელებს სემინარების ციკლს !
სპეციალური მოწვევით – ჯულიან რობერტსი/ Julian Roberts (მსოფლიოში ცნობილი არატრადიციული თარგების დამზადების ბრიტანელი ოსტატი, ექსპერტი დიზაინის დარგში), ამჟამად არის მოდისა და ტექსტილის დიზაინში პორტსმუთის უნივერსიტეტის პრფესორი და ბრიტანეთში Graduate Fashion Foundation-ის (GFF/GFW) რწმუნებული.
დეტალურ ინფორმაციას გაეცანით ბმულზე
• დაინტერესების შემთხვევაში, გთხოვთ – დარეგისტრირდეთ (აუცილებელია) 

საგანმანათლებლო პროექტი “დიზაინ ლაბი – ინტერტექსტუალური სინერგია დიზაინში”

დიზაინის ფაკულტეტის – მოდის დიზაინის მიმართულებით ორგანიზებული საერთაშორისო საგანმანათლებლო პროექტი “დიზაინ ლაბი – ინტერტექსტუალური სინერგია დიზაინში”. მიზანი:
• T&A ინდუსტრიის გათვალისწინებით, მდგრადობისა და მწვანე პრაქტიკის გაძლიერება, განათლების ახალი ფორმებისა და მასშტაბის გაფართოება, საერთაშორისო საავტორო პროგრამების ათვისება და სასწავლო კურსებად დანერგვა, კერძოდ :
1. ახალი მწვანე/მდგრადი სასწავლო გეგმების/სრული კურსის შემუშავება – საერთაშორისო ექსპერტების საავტორო პროგამების ჩართულობით ერთობლივი სასწავლო გეგმის/კურსის განხორცილება სასწავლო პროგრამებში (MA, BA)
2. კურსდამთავრებულების მხარდასაჭერად მწვანე და მდგრად პრაქტიკაში რეალური გამოცდილების გაზიარება (სპეციალურად ორგანიზებული ვორქშოფები, ტრეინინგები, პრაქტიკები, სემინარები)
3. საერთაშორისო და ადგილობრივი გამოცდილების, ცოდნისა და უნარების გაზიარება დასაქმებისა და კერძო ბიზნესის განვითარების მსურველთათვის. პროექტის ფარგლებში მიმდინარეობს საერთაშორისო ცნობილი ექსპერტების მოწვევა და ადგილობრივი დარგის წარმომადგელების (ექსპერტები) მასტერკლასები, ასევე, რეგიონალური პრაქტიკების ორგანიზება
▫️დაინტერესებულ აუდიტორიას აქვს შესაძლებლობა – მდგრადი დიზაინის მიზნებისა და სტრატეგიების გათვალისწინებით შეისწავლოს და გაიზიაროს ადგილობივი და საერთაშორისო საუკეთესო გამოცდილება, იმუშაოს საერთაშორისო ესქპერტებთან და თსსა პედაგოგებთან (ექსპერტებთან) ერთად, კერძოდ :
1. შესწავლის ნოვატორული სამკერვალო ტექნოლოგიებისა და ტექსტილის მიღების ტექნოლოგიური მეთოდები ;
2. შეიმუშავოს მოთხოვნადი/მიზნობრივი პროდუქტი (იდეიდან მზა პროდუქტამდე); 3. შეასრულოს შემოქმედებითი და გამოყენებით დიზაინ-ფორმები (ტექსტილისა და რაციონალური ტანსაცმლის დიზაინი)
პროექტის ,,დიზაინ ლაბი – ინტერტექსტუალური სინერგია დიზაინში’’- ფარგლებში სპეციალური მოწვეული იყო შინგო სატო/Shingo Sato (მსოფლიოში ცნობილი დრაპირების მეთოდებისა და არატრადიციული თარგების დამზადების იაპონელი ოსტატი, ექსპერტი დიზაინის დარგში);
• https://fb.me/e/98dqn6qwl
• https://www.facebook.com/
შინგო სატოს არატრადიციული მიდგომა ტანსაცმლის დიზაინისა და შაბლონების მანიპულირებისადმი – ახალი სიტყვაა მსოფლიო მოდისა და დიზაინ-განათლების ინდუსტრიაში.
▫️ფართო აუდიორიამ შეისწავლა – როგორ შექმნას ტანსაცმლის ბლოკი სხეულის ფორმაზე ,,დრაპირების” გამოყენებით:
– როგორ გადალახოს საკუთარი შემოქმედებითი საზღვრები ;
– როგორ შექმნას ტანსაცმლის ფორმათა სერიები დრაპირების საშუალებით;
– ტალღოვანი დიზაინის ხაზების გამოყვანას და კაბის ფორმების დაშლა ცალკეულ პანელებად; – სხვადასხვა მასალის ნაკერების შეერთება შეიქმნება უნიკალური და არაორდინალური მრავალპანელიანი მოდელები.
მხარდამჭერი:
• TSAA/Fashion Design Portal თსსა/მოდის დიზაინის პორტალი – https://www.facebook.com/
• FashionHolics Online – https://www.facebook.com/
• ალტერნატიული დისკურსი – https://fb.me/e/5i2mMH5y9
• ინიციატივა NK
• დიზაინის ფაკულტეტი
• თბილისის აპოლონ ქუთათელაძის სახელობის სახელმწიფო სამხატვრო აკადემია

ძველი ვებ გვერდი

2024 © Made with Infinity