მენიუ
  2. |
  3. საერთაშორისო
  4. |
  5. Page 2

მობილობა Paul Valéry University Montpellier 3 – ში

თბილისის აპოლონ ქუთათელაძის სახელობის სახელმწიფო სამხატვრო აკადემიის – საერთაშორისო ურთიერთობების სამსახურის უფროსი და ერასმუსის ინსტიტუციური კოორდინატორი, მაია ყიფიანი, ერასმუსის პროგრამის ფარგლებში, მიწვევით იმყოფებოდა სამხატვრო აკადემიის ახალ ერასმუს პარტნიორთან, საფრანგეთის – მონპელიეს Paul Valéry University Montpellier 3 უნივერსიტეტის საერთაშორისო სამსახურების კვირეულზე.
ტრენინგის პარალელურად, განხილულ იქნა თანამშრომლობის ახალი პერსპექტივები კინოს მხატვრობის მიმართულებით: ICM, BIP და სხვა მასშტაბური კოლაბორაციული პროექტები, სტუდენტების მობილობები და უცხოელი სტუდენტების მიღებასთან დაკავშირებული გამოწვევები. შედგა ასევე კინოსა და თეატრის მიმართულებებისა და კამპუსების გაცნობითი ვიზიტები, შეხვედრები აკადემიურ პერსონალთან და სხვა.

მობილობა ლიხტენშტეინის უნივერსიტეტში

13-17 მაისი, 2024 – მობილობა ლიხტენშტეინის უნივერსიტეტში.
2017 წლიდან დღემდე, თბილისის აპოლონ ქუთათელაძის სახელობის სახელმწიფო სამხატვრო აკადემიის – არქიტექტურის ფაკულტეტსა და ლიხტენშტეინის უნივერსიტეტის არქიტექტურის დეპარტამენტს შორის, წარმატებული და ნაყოფიერი თანამშრომლობის ფარგლებში, სტუდენტთა ერასმუს მობილობა უწყვეტად მიმდინარეობს. 13-17 მაისს, ლიხტენშტეინში, სამხატვრო აკადემიის საერთაშორისო დეპარტამენტის წარმომადგენელი, ნესტან წიკლაური იმყოფებოდა.
წლების განმავლობაში, გაცვლით პროგრამებში მონაწილე, სამხატვრო აკადემიის სტუდენტებმა, საერთაშორისო ასპარეზზე საუკეთესო შედეგები აჩვენეს. არქიტექტურის ფაკულტეტის კოორდინატორი, ლიხტენშტეინის უნივერსიტეტის საბაკალავრო და სამაგისტრო პროგრამებისათვის მიმდინარე RIBA-ს აკრედიტაციების მოსამზადებელ პროცესებში, პრაქტიკული კუთხით გახლდათ ჩართული. ვიზიტის ფარგლებში, გაიმართა შეხვედრები უნივერსიტეტის რექტორსა და ფაკულტეტის დეკანთან, ასევე გაცვლით პროგრამებში მონაწილე სტუდენტთა ინტერკულტურულ ჯგუფთან. განხილულ იქნა, სხვადასხვა მიმართულებით არსებული შესაძლებლობები და პრიორიტეტები. ერასმუს კვირეულის ფარგლებში, დაიგეგმა სამომავლო პროექტები პარტნიორ უნივერსიტეტებს შორის.

ბელგიის, ქალაქ ანტვერპენის ხელოვნების უმაღლესი სკოლის წარმომადგენლების ვიზიტი. მედიახელოვნების ფაკულტეტი

ERASMUS
ქალაქ ანტვერპენის – ხელოვნების უმაღლესი სკოლის წარმომადგენლები, კურტ ვანბელეგემი და ლაურა ბრასპენინგი, 23 მაისს შეხვდნენ ასევე, თბილისის აპოლონ ქუთათელაძის სახელობის სახელმწიფო სამხატვრო აკადემიის – მედია ხელოვნების ფაკულტეტის დეკანს, პედაგოგებსა და სტუდენტებს

ბელგიის, ქალაქ ანტვერპენის ხელოვნების უმაღლესი სკოლის წარმომადგენლების ვიზიტი. სახვითი ხელოვნების ფაკულტეტი

ERASMUS
23 მაისს, თბილისის აპოლონ ქუთათელაძის სახელობის სახელმწიფო სამხატვრო აკადემიის – სახვითი ხელოვნების ფაკულტეტს, ერასმუსის პროგრამის ფარგლებში, გაცნობითი ვიზიტით ესტუმრნენ ბელგიის, ქალაქ ანტვერპენის Karel de Grote University of Applied Sciences, Arts St Lucas School of Arts – ხელოვნების უმაღლესი სკოლის წარმომადგენლები: კურტ ვანბელეგემი და ლაურა ბრასპენინგი. სტუმრები შეხვდნენ სახვითი ხელოვნების ფაკულტეტის დეკანს და მიმართულებების ხელმძღვანელებსა და სტუდენტებს

ბელგიის, ქალაქ ანტვერპენის ხელოვნების უმაღლესი სკოლის წარმომადგენლების ვიზიტი. დიზაინის ფაკულტეტი

ERASMUS
22 მაისს, თბილისის აპოლონ ქუთათელაძის სახელობის სახელმწიფო სამხატვრო აკადემიის – დიზაინის ფაკულტეტს, ერასმუსის პროგრამის ფარგლებში, გაცნობითი ვიზიტით ესტუმრნენ: ბელგიის, ქალაქ ანტვერპენის Karel de Grote University of Applied Sciences, Arts St Lucas School of Arts – ხელოვნების უმაღლესი სკოლის წარმომადგენლები – კურტ ვანბელეგემი და ლაურა ბრასპენინგი. სტუმრები შეხვდნენ სამხატვრო აკადემიის რექტორს, ვიცე-რექტორებს, დიზაინის ფაკულტეტის დეკანსა და შვიდივე მიმართულების ხელმძღვანელებს. ასევე, დიზაინის ფაკულტეტის სტუდენტებს.

442435841_861666565999130_4032875766848277296_n

მობილობა თურქეთში, კასტამონუს უნივერსიტეტი

ERASMUS
13-17 მაისს, თურქეთის – კასტამონუს უნივერსიტეტში, ერასმუს თანამშრომლობის ფარგლებში, სტუმრად იმყოფებოდა დიზაინის ფაკულტეტის, მხატვრული კერამიკის მიმართულების ასოცირებული პროფესორი, გიორგი პაჭკორია. პროფესორმა კოლეგებისა და უნივერსიტეტის სტუდენტებისთვის ჩაატარა 5 დღიანი ვორქშოფი

კიოლნის გამოყენებით მეცნიერებათა უნივერსიტეტის, არქიტექტურის მიმართულების ხელმძღვანელის ვიზიტი

ERASMUS
23 მაისი, 2024 წელი
▫️თბილისის აპოლონ ქუთათელაძის სახელობის სახელმწიფო სამხატვრო აკადემიას ესტუმრა ქალაქ კიოლნის – გამოყენებით მეცნიერებათა უნივერსიტეტის, არქიტექტურის მიმართულების ხელმძღვანელი, პროფესორი იოხან ზიგმუნდი. შეხვედრას ესწრებოდნენ თსსა რექტორი და არქიტექტურის ფაკულტეტის წარმომადგენლები. შედეგად, საფუძველი ჩაეყარა სამომავლო პარტნიორულ თანამშრომლობას ერასმუს+ პროგრამების ფარგლებში – სამხატვრო აკადემიასა და Cologne University of Applied Sciences შორის.

ERASMUS მობილობა ბულგარეთი, ქ. სოფიას ეროვნული აკადემია

13-17 მაისს, თბილისის აპოლონ ქუთათელაძის სახელობის სახელმწიფო სამხატვრო აკადემიის ერასმუს პარტნიორი, ქალაქ სოფიას ეროვნული აკადემიის მოწვევით, ბულგარეთში, მობილობით იმყოფებოდა, სამხატვრო აკადემიის სახვითი ხელოვნების ფაკულტეტის ვიცე-დეკანი, პროფესორი ოთარ ჩაკვეტაძე. მან ჩაატარა ვორქშოფი სტუდენტებისთვის, შეხვდა სოფიის აკადემიის სახვითი ხელოვნების ფაკულტეტის წარმომადგენლებს, გამართა მოლაპარაკებები სამომავლო თანამშრომლობის, ერთობლივი პროექტების, სტუდენტებისა და აკადემიური პერსონალის გაცვლითი ერასმუს მობილობების შესახებ

პოლონეთის, ქალაქ ვროცლავის აკადემიის წარმომადგენლების ვიზიტი

23 აპრილი, 2024 წელი
თბილისის აპოლონ ქუთათელაძის სახელობის სახელმწიფო სამხატვრო აკადემიის ადამიანური რესურსების მართვის სამსახურს ეწვია თსსა ERASMUS პარტნიორი ინსტიტუტის – პოლონეთის, ქალაქ ვროცლავის აკადემიის Joanna Żedzik ადამიანური რესურსების მართვის სამსახურის წარმომადგენელი. ვიზიტის ფარგლებში, სტუმარი გაეცნო თსსა საკადრო პოლიტიკას, ადამიანური რესურსების მართვის სამსახურის სტრუქტურას შედგა მოლაპარაკება სამომავლო თანამშრომლობის შესახებ

დრეზდენის საერთაშორისო პლენერი

თბილისის აპოლონ ქუთათელაძის სახელობის სახელმწიფო სამხატვრო აკადემიის – სახვითი ხელოვნების ფაკულტეტის, ფერწერის მიმართულების III და IV კურსის სტუდენტებისთვის ცხადდება კონკურსი, რომელიც გამოავლენს დრეზდენის საერთაშორისო პლენერის ორ ახალ მონაწილეს.
დრეზდენის საერთაშორისო პლენერი, გერმანიის ერთ-ერთი უდიდესი კულტურულ-საგანმანათლებლო ფესტივალის “Palais Sommer” უმთავრესი კომპონენტია, რომელშიც სამხატვრო აკადემიის სტუდენტები 2013 წლიდან არიან ჩართულნი, პროექტის დამფუძნებლის, აკადემიის საპატიო პროფესორის, ალექსანდრე-ალეკო ადამიას ინიციატივით (1962-2019).
კონკურსი გულისხმობს ორ ეტაპს: განიხილება სტუდენტების ნამუშევრები ზოგადად და პლენერის სპეციფიკასთან შესაბამისობაში, რომლებიც შეირჩევიან პროექტის გერმანელი და ქართველი სამხატვრო ხელმძღვანელების მიერ, შემდეგ კი, შერჩეული კანდიდატები გაივლიან გასაუბრებას. გამარჯვებულები გაემგზავრებიან დრეზდენში, შექმნიან ნამუშევრებს გერმანელ მხატვრებთან ერთად და ჩაერთვებიან სხვადასხვა კულტურულ აქტივობაში. მგზავრობის, ცხოვრებისა და მუშაობისთვის საჭირო ყველა ხარჯი სრულიად დაფინანსებულია ფესტივალის მიერ.
▫️პროექტის ხანგრძლივობა – 05/07/24 – 05/08/24
▫️დაინტერესებულ პირებს გთხოვთ, გადააგზავნოთ 10/15 ფერწერული ნამუშევრის ფოტო/პორთფოლიო და CV მითითებულ მისამართზე: shakarashviliart@gmail.com
ნამუშევრების მიღების ბოლო ვადაა 3 მაისი, 20:00 სთ

ძველი ვებ გვერდი

2024 © Made with Infinity