მენიუ
  2. |
  3. კონკურსები
  4. |
  5. Page 2

სტუდენტთა შესარჩევი კონკურსი, ‘დიზაინ კვირეული’, ზალცბურგი, ავსტრია (დიზაინის ფაკულტეტი)

ცხადდება სტუდენტთა შესარჩევი კონკურსი თსსა დიზაინის ფაკულტეტის, საბაკალავრო / სამაგისტრო საფეხურის სტუდენტებისთვის, ზალცბურგის საერთაშორისო/ინტერდისციპლინარულ დიზაინ კვირეულში (12 ადგილი) მონაწილეობის მისაღებად ა.წ. დეკემბერში, რომლის ორგანიზატორია ავსტრიის, ზალცბურგის გამოყენებით მეცნიერებათა უნივერსიტეტის -FH Salzburg University of Applied Sciences KUCHL-ის კამპუსში.
პროექტი ხორციელდება ერასმუს+ პროგრამის ფარგლებში ზალცბურგის უნივერსიტეტთან.
აპლიკანტ სტუდენტებს გთხოვთ, შესაბამისი ფაკულტეტების დეკანებს და კომისიებს წარუდგინოთ შემდეგი დოკუმენტები ინგლისურ ენაზე:
· CV
. ნიშნების ფურცელი (ქართულ ენაზე)
. მოტივაციის წერილი
. პორტფოლიო ინგლისურ ენაზე
· ინგლისური ან გერმანული ენის სერტიფიკატი B2, ან/და ინგლისური ან გერმანული ენის B2 დონეზე ცოდნის დამადასტურებელი ცნობა, გაცემული თსსა უცხოენის პედაგოგის მიერ – განსაკუთრებით მნიშვნელოვანია ინგლისური ენის სრულყოფილად ფლობა
. განცხადება კონკურსში მონაწილეობის თაობაზე (გთხოვთ, წარმოადგინოთ განცხადების ფოტო, თსსა კანცელარიაში განცხადების რეგისტრაციის შემდეგ)
საბუთების წარდგენის ბოლო ვადა: 2024 წლის 15 ოქტომბერი
საკონტაქტო პირი: ნატა ნიკოლეიშვილი
nata.nikoleishvili@art.edu.ge593799960
დიზაინ კვირეულში მონაწილეობისთვის, კონკურსში გამარჯვებულ – თსსა დიზაინის ფაკულტეტის სტუდენტებს, გადაეცემათ ერასმუს მოკლევადიანი მობილობის გრანტი!

ერასმუს მობილობა ავსტრიაში, ქ. ზალცბურგი – სამრეწველო დიზაინისა და ავეჯის პროექტირებისა და ხის მხატვრული დამუშავების მიმართულებების სტუდენტისთვის

ცხადდება სტუდენტთა ერთსემესტრიანი ერასმუს მობილობის შესარჩევი კონკურსი, თსსა დიზაინის ფაკულტეტის – სამრეწველო დიზაინის და ავეჯის
პროექტირებისა და ხის მხატვრული დამუშავების მიმართულებების საბაკალავრო და სამაგისტრო საფეხურის სტუდენტებისთვის (2 ადგილი) 2025 სასწავლო წლის გაზაფხულის სემესტრისთვის ავსტრიის, ზალცბურგის გამოყენებით მეცნიერებათა უნივერსიტეტში -FH Salzburg University of Applied Sciences.
აპლიკანტ სტუდენტებს გთხოვთ, ფაკულტეტის დეკანს, შესაბამისი მიმართულებების ხელმძღვანელებსა და კომისიებს წარუდგინოთ შემდეგი
დოკუმენტები ინგლისურ ენაზე:
· CV
· პორტფოლიო ინგლისურ ენაზე
· ნიშნების ფურცელი (ქართულ ენაზე)
· მოტივაციის წერილი
· ინგლისური ან გერმანული ენის სერტიფიკატი B2, ან/და ინგლისური ან გერმანული ენის B2 დონეზე ცოდნის დამადასტურებელი ცნობა, გაცემული თსსა უცხოენის პედაგოგის მიერ.
· განცხადება კონკურსში მონაწილეობის თაობაზე (გთხოვთ,
წარმოადგინოთ განცხადების ფოტო, თსსა კანცელარიაში განცხადების რეგისტრაციის შემდეგ).
▫️საბუთების წარდგენის ბოლო ვადა: 7 ოქტომბერი, 2024 წელი
საკონტაქტო პირი: ნატა ნიკოლეიშვილი nata.nikoleishvili@art.edu.ge
+995593799960
აპლიკანტებს, გთხოთ გაითვალისწინოთ შემდეგი:
· ერასმუს+ პროგრამის რეგულაციების მიხედვით, მხოლოდ აქტიური სტატუსის
მქონე სტუდენტს აქვს უფლება მონაწილეობა მიიღოს ერასმუს მობილობაში.
შესაბამისად, სტუდენტი ვალდებულია დაფაროს სწავლის გადასახადი
მობილობის სემესტრის დაწყებამდე
. სტუდენტებს გთხოვთ გაეცნოთ ერასმუს გზამკვლევს შემდეგ ბმულზე
. ფაკულტეტის კომისიის მიერ ნომინირებული სტუდენტების მობილობის
საბოლოო შერჩევას ახდენს ერასმუს პარტნიორი უნივერსიტეტი
.ერასმუს კონკურსში გამარჯვებული სტუდენტი ვალდებულია თავის თავზე აიღოს აუცილებელი ხარჯები მანამ, სანამ მას მიეცემა ერასმუს გრანტი დანიშნულების ქვეყანაში ჩასვლის შემდეგ.

კულტურის სამინისტროს კონკურსი

კულტურის სამინისტრო, ნიჭიერ ახალგაზრდა ხელოვანთა განათლების ხელშეწყობის მიზნით კონკურსს აცხადებს.
კონკურსის მიზანია უმაღლესი სახელოვნებო განათლების ხელმისაწვდომობა; თანამედროვე ხელოვნებაში მიმდინარე პროცესებთან ინტეგრირება; ნიჭიერ ახალგაზრდა ხელოვანთა მოტივაციის გაზრდა; პროფესიული და კარიერული განვითარების ხელშეწყობა.

კულტურის სამინისტრო ნიჭიერ ახალგაზრდა ხელოვანთა განათლების ხელშეწყობის მიზნით კონკურსს აცხადებს
საქართველოს კულტურისა და სპორტის სამინისტრო აცხადებს კონკურსს – „ნიჭიერ ახალგაზრდა ხელოვანთა განათლების ხელშეწყობა“.
კონკურსის მიზანია: უმაღლესი სახელოვნებო განათლების ხელმისაწვდომობა; თანამედროვე ხელოვნებაში მიმდინარე პროცესებთან ინტეგრირება; ნიჭიერ ახალგაზრდა ხელოვანთა მოტივაციის გაზრდა; პროფესიული და კარიერული განვითარების ხელშეწყობა.
კონკურსის ბიუჯეტია 300 000 ლარი.
საკონკურსოდ მიიღება პროექტები საქართველოსა და უცხოეთში აკადემიურ საგანმანათლებლო პროგრამებზე არაუმეტეს 1 აკადემიური წლის ვადით სწავლის მსურველთა ხელშესაწყობად.
კონკურსანტის მიერ წარმოდგენილი პროექტი (სამინისტროსთვის მოთხოვნილი თანხა) შესაძლებელია დაფინანსდეს სრულად ან ნაწილობრივ.
შეიძლება უპირატესობა მიენიჭოს კონკურსანტს, რომელმაც წარმატებით დაამთავრა ბაკალავრიატი და საზღვარგარეთ რომელიმე უმაღლესი სახელოვნებო სასწავლებლის სამაგისტრო პროგრამაზე სწავლაში სურს ხელშეწყობა; ან/და ეუფლება უმაღლესი სახელოვნებო განათლების რეფორმით განსაზღვრულ დეფიციტურ, მოთხოვნად პროფესიას; ან/და შეთანხმებულია საქართველოში მოქმედ რომელიმე სახელოვნებო ან სახელოვნებო-საგანმანათლებლო ორგანიზაციასთან საზღვარგარეთ სწავლის შემდგომ დასაქმების თაობაზე.
კონკურსში მონაწილეობის უფლება აქვს 18-იდან 35 წლამდე ასაკის ფიზიკურ პირს, საქართველოს მოქალაქეს, რომელიც სწავლობს ან ჩაირიცხა:
ა) საქართველოს უმაღლეს სასწავლებელში საბაკალავრო/სამაგისტრო/სადოქტორო საგანმანათლებლო პროგრამაზე;
ბ) უცხოეთის სასწავლებელში საბაკალავრო/სამაგისტრო/სადოქტორო საგანმანათლებლო პროგრამაზე და მოპოვებული აქვს შესაბამისი სასწავლებლის თანადაფინანსება, არანაკლებ 25 %-ისა. ეს პირობა არ ეხება იმ კონკურსანტებს, რომლებიც ჩარიცხულნი არიან უფასო აკადემიურ პროგრამაზე და გადასახდელი აქვთ მხოლოდ ადმინისტრაციული რეგისტრაციის საფასური (მისი არსებობის შემთხვევაში).
საკონკურსო განაცხადები მიიღება 2024 წლის 31 ივლისიდან 2024 წლის 9 აგვისტოს 12:00 საათამდე სამინისტროში, მისამართზე: თბილისი, სანაპიროს ქ. №4, ნაბეჭდი სახით, ან სამინისტროს ოფიციალური ელექტრონული ფოსტით – info@culture.gov.ge, ელექტრონული დოკუმენტის სახით. კონსულტაციების მიღება შეიძლება სამინისტროს ცხელი ხაზის საშუალებით, ტელ.: 032 2 022229, 599 02 01 98 (სამუშაო საათებში).
კონკურსში გამარჯვებული პროექტების შესახებ ინფორმაცია გამოქვეყნდება სამინისტროს ოფიციალურ ფეისბუქგვერდზე არაუგვიანეს 2024 წლის 27 აგვისტოსი.
საქართველოს კულტურის, სპორტისა და ახალგაზრდობის მინისტრის 2021 წლის 3 ივნისის №7864 ბრძანება „საქართველოს კულტურის, სპორტისა და ახალგაზრდობის სამინისტროს მიერ კულტურის სფეროში განსახორციელებელი ღონისძიებების/პროექტების ხელშეწყობის პირობებისა და დაფინანსების წესის შესახებ“ და ფორმულარები იხილეთ ბმულებზე:
️დაფინანსების წესი – https://cutt.ly/fezxpMKL
️ფორმულარები – https://cutt.ly/bwM9aEls
საკონკურსო პირობები- https://cutt.ly/UezoS8Wc
შეგახსენებთ:
2023 წელს კონკურსის ბიუჯეტი იყო 300 000 ლარი. 38 განმცხადებლიდან 21 ახალგაზრდა ხელოვანის განათლების ხელშეწყობა დაფინანსდა საქართველოს, აშშ-ის, გერმანიის, ავსტრიის, ფინეთის, ნორვეგიის, საფრანგეთის სახელოვნებო სასწავლებლებში.
2022 წელს კონკურსის ჯამური ბიუჯეტი თავდაპირველად შეადგენდა 200 000 ლარს, თუმცა განმცხადებლების სიმრავლისა და კონკურსის დებულებით განსაზღვრული პრიორიტეტების გათვალისწინებით, სამინისტრომ შეძლო კონკურსის ბიუჯეტის 30 000 ლარით გაზრდა. კონკურსის მონაწილე 37 ახალგაზრდიდან კულტურის სამინისტრომ სხვადასხვა ხარჯის დაფინანსებით ხელი შეუწყო 12 კონკურსანტის სწავლას გერმანიის, შვეიცარიის, ფინეთის, ნორვეგიის, ბელგიისა და ავსტრიის სახელოვნებო-საგანმანათლებლო დაწესებულებების უმაღლეს აკადემიურ საგანმანათლებლო პროგრამებზე.
2021 წელს კონკურსის ბიუჯეტი შეადგენდა 185 000 ლარს. სამინისტროს 80-მა განმცხადებელმა მომართა. დაფინანსდა 22 ახალგაზრდა. მათგან ცხრა ახალგაზრდას სწავლაში სხვადასხვა ტიპის ხელშეწყობა დაუფინანსდა საქართველოს, ხოლო 13 კონკურსანტს – აშშ-ის, ინგლისის, ესპანეთის, იტალიის, გერმანიის, ავსტრიის სახელოვნებო-საგანმანათლებლო სასწავლებლებში.

კონკურსი – თურქეთის კასტამონუს უნივერსიტეტი

ცხადდება პერსონალის შესარჩევი კონკურსის პირველი ეტაპი ერასმუს მობილობისთვის თსსა დიზაინის ფაკულტეტის ერასმუს პარტნიორ  –  თურქეთის Kastamonu უნივერსიტეტში, საერთაშორისო კვირეულში მონაწილეობის მისაღებად. ა.წ. 14-19 ოქტომბერს.
კვირეული მიეძღვნება უნივერსიტეტებში ერასმუს+ პროგრამის განხორციელების  რეგულაციებს და პარტნიორული თანამშრომლობის გაფართოებას.

შესარჩევი კონკურსის პირველი ეტაპი წარმოადგენს შერჩევას აპლიკანტის შესაბამის სამსახურში/ფაკულტეტზე და ოფიციალურ ნომინირებას.
აპლიკანტის საბოლოო შეჩევა შედგება კასტამონუს უნივერსიტეტის მიერ.

გთხოვთ დანართში იხილოთ აპლიკაციის ფორმა და მოტივაციის ფორმა, და სააპლიკაციო ბმული დოკუმენტების ასატვირთად
https://erasmus.kastamonu.edu.tr/index.php/component/content/article/incoming-ka171-personel-call?catid=20&Itemid=101

აპლიკაციის პროცესი მოიცავს შემდეგი ოფიციალური დოკუმენტების წარდგენას (თსსა ტიტულიან ქაღალდზე, ოფიციალური პირის ხელმოწერით და ბეჭდით, ინგლისურ ენაზე):
კასტამონუს უნივერსიტეტის  აპლიკაციის ფორმა
ფოტო
ინგლისური ენის  ცოდნის დამადასტურებელი დოკუმენტი, ცნობა ან სერტიფიკატი
მოტივაციის წერილი
აპლიკანტის ნომინაციის წერილი შესაბამისი სამსახურის/ფაკულტეტის კომისიის დასკვნის საფუძველზე
ცნობა სამსახურიდან, აპლიკანტის სამუშოა გამოცდილების ხანგრძლივობის მითითებით

აპლიკაციის წარდგენის დედლაინი: 10 აგვისტო, 2024

საკონტაქტო პირი:
თსსა საერთაშორისო ურთიერთობების განყოფილების, დიზაინის ფაკულტეტის და სახვითი ხელოვნების ფაკულტეტის საერთაშორისო პროექტების და ერასმუს პროგრამის კოორდინატორი  ნატა ნიკოლეიშვილი nata.nikoleishvili@art.edu.ge

Letter of Intent Template

ICM-Application-Staff

მერიის მიერ, 2023 წლის 9 ნოემბერს გამოცხადებულ კონკურსში, ბექა ჩხაიძის ესკიზმა გაიმარჯვა

ქ. თბილისის მერიის მიერ, 2023 წლის 9 ნოემბერს გამოცხადებულ კონკურსში, გაიმარჯვა თბილისის აპოლონ ქუთათელაძის სახელობის სახელმწიფო სამხატვრო აკადემიის – ქანდაკების მიმართულების, მაგისტრატურის სტუდენტის, ბექა ჩხაიძის ესკიზმა.
აღსანიშნავია, რომ ბექა ჩხაიძე, საქართველოს კულტურისა და სპორტის სამინისტროს მიერ დაფუძნებული, პირველი საერთაშორისო რეზიდენციის წარმატებული მონაწილეა. მისი ნამუშევარი განთავსდა საფრანგეთში – ლევილის ქართულ მამულში. ცნობისათვის, სამხატვრო აკადემიამ, “ქანდაკების სტუდენტური სიმპოზიუმის”ფარგლებში, ლევილის შემოქმედებითი რეზიდენციის პროექტის მონაწილე 7 ახალგაზრდა მოქანდაკე, კონკურსის წესით გამოავლინა.
მერიის კონკურსი კი, გამოცხადებული იყო ქ. თბილისში, ივანე ჯავახიშვილის სახელობის თბილისის სახელმწიფო უნივერსიტეტის ბაღში (პანთეონში), იუსტინე აბულაძის არქიტექტურულ-მხატვრული კომპოზიციის (ბიუსტი) შექმნაზე.
იუსტინე აბულაძე, საქართველოს მეცნიერების დამსახურებული მოღვაწე და პროფესორთა პირველი კოლეგიის წევრი იყო. ნამუშევრის ესკიზის ფოტო, გადაღებულია მუშაობის პროცესში.
ვულოცავთ ბექა ჩხაიძეს ამ წარმატებას და ვუსურვებთ შემოქმედებით წინსვლას!

449191858_884475603718226_357745548342383147_n

სტუდენტების საყურადღებოდ! კონკურსი

გელა კანდელაკის შემოქმედებითი სახელოსნო – “ხელის ჩრდილების თეატრი და ანიმაცია”, აცხადებს სტუდენტების მისაღებ კონკურსს!
კონკურსი ჩატარდება ორ ეტაპად:
I ეტაპი – საბუთების მიღება.
2024 წლის 14 ივნისიდან – 10 ივლისამდე, მითითებულ ელექტრონულ მისამართზე, გთხოვთ გააგზავნოთ თქვენი СV და სამოტივაციო წერილი. სურვილის შემთხვევაში, პორტფოლიო (ნამუშევრები).
budruganagagra@gmail.com
II ეტაპი – გასაუბრება.
სწავლება დაიწყება 2024 წლის 15 სექტემბერს.
სახელოსნოს წარმატებით დამთავრების შემდეგ, გეძლევათ შანსი, გახდეთ ჩრდილების სახელმწიფო თეატრის დასის წევრი.
599 91 70 67
გისურვებთ წარმატებას!

კონკურსი დიზაინის ფაკულტეტის მხატვრული კერამიკის მიმართულების სტუდენტებისათვის

საქართველოსა და იტალიის მეგობრობის საფუძველზე იტალიის მუნიციპალიტეტ
ჩიჩერალეში იგეგმება ნიკო ფიროსმანის სახელობის ქუჩის გახსნა.
თსსა-სა და იტალიის საელჩოს თანამშრომლობის ფარგლებში, იტალიის საელჩოს
ეგიდით თბილისის სახელმწიფო სამხატვრო აკადემიაში გაიმართება კონკურსი
დიზაინის ფაკულტეტის მხატვრული კერამიკის მიმართულების სტუდენტებისათვის.
კონკურსის მიზანია ამავე ქუჩის შენობებისათვის დამზადდეს ნუმეროლოგიის
განმსაზღვრელი აბრები, ობიექტი ზომებით 15X10 სმ, თავისუფალი თემის კერამიკული
ფილა.
კონკურსის შედეგად გამოვლენილი 5 საუკეთესო ნამუშევრის ავტორი
დაჯილდოვდება.
კონკურსი მოიცავს შემდეგ ეტაპებს:
1. მონაწილეთა რეგისტრაცია
2. კონკურსანტთა მიერ შესასრულებელი კერამიკული ფილის ოდენობის განსაზღვრა
3. კერამიკული ფილების დამზადების პროცესი
4. შეფასება
5. მონტაჟი
რეგისტრაციის ვადები 17/06 – 18/06
სარეგსტრაციო პროცედურისათვის მიმართეთ პროექტის კოორდინატორს
ნესტან წიკლაური
არქ. ფაკულტეტის დეკანატი მე 9 სართული

იტალიის საელჩოს სტიპენდიები თსსა სტუდენტებისთვის

ცხადდება კონკურსი იტალიის მთავრობის მიერ 2024-2025 აკადემიური წლისთვის გამოყოფილი სტიპენდიების მოსაპოვებლად.

საქართველოს მოქალაქეებისთვის გამოყოფილია 63 თვის (ყოველთვიურად 1000 ევროს)
ოდენობის სტიპენდია. განაცხადი უნდა შეივსოს კანდიდატის მიერ ონლაინ შემდეგ
პორტალზე: https://studyinitaly.esteri.it/.
კანდიდატის ელექტრონული განაცხადის წარდგენის ვადა იწურება 2024 წლის 14 ივნისს 14.00 საათზე იტალიის დროით (2024 წლის 14 ივნისს 16.00 საათზე საქართველოს დროით). გთხოვთ იხილოთ დანართი

TAD Week – Tbilisi Architecture & Design Week

15-18 მაისი! TAD Week – Tbilisi Architecture & Design Week
თბილისის არქიტექტურისა და დიზაინის კვირეულში მონაწილეობის მსურველთათვის!

სარეგისტრაციო ფორმები:

15 მაისი – MoMA Tbilisi
მისამართი: შოთა რუსთაველის გამზირი 27
19:00

https://docs.google.com/forms/d/e/1FAIpQLSeivTDbJRd3K8R2gs29Z1CDcdw9qzCzB13nhBZVjWJYColfkA/viewform

16,17,18 მაისი – Artizan Design Hotel
მისამართი: იაკობ ნიკოლაძის 12

https://docs.google.com/forms/d/e/1FAIpQLSeKQCqSgXUIZD4Qpro-bPNzNaZEUVRmjaoZnvqL-EiA6d0WEw/viewform

მონაწილეობის მსურველების მაღალი აქტივობის გათვალისწინებით, კვირეულში მონაწილეთა ადგილები შეზღუდულია!
იაქტიურეთ!

გამოვლინდა დრეზდენის საერთაშორისო პლენერის ორი გამარჯვებული კონკურსანტი

დრეზდენის საერთაშორისო პლენერის, გერმანელი და ქართველი სამხატვრო ხელმძღვანელებით დაკომპლექტებულმა გუნდმა, გამოავლინა ორი გამარჯვებული კონკურსანტი – “Palais Sommer 2024”-ისთვის.
გამარჯვებულები არიან, თბილისის აპოლონ ქუთათელაძის სახელობის სახელმწიფო სამხატვრო აკადემიის, ფერწერის მიმართულების IV და III კურსის სტუდენტები: მარიამ ოკრიბელაშვილი და მათე ცქვიტინიძე. 2024 წლის ივლისში ისინი გაემგზავრებიან დრეზდენში, პლენერზე შექმნიან ფერწერულ ტილოებს და ჩაერთვებიან გამოფენაში “კულტურა.სინქრონი”.
ვულოცავთ ჩვენს სტუდენტებს და ვუსურვებთ წარმატებას!

ძველი ვებ გვერდი

2024 © Made with Infinity