მენიუ
  2. |
  3. ახალი ამბები
  4. |
  5. Page 4

აბიტურიენტთა საყურადღებოდ!!! გამოცდა ხატვაში

თბილისის აპოლონ ქუთათელაძის სახელობის სახელმწიფო სამხატვრო აკადემიაში, შემოქმედებითი ტური-გამოცდა ხატვაში ჩატარდება 2024 წლის 12, 13 და 14 ივნისს

1. აბიტურიენტი საგამოცდო ცენტრში უნდა გამოცხადდეს 08:00 საათზე. წინა საგამოცდო რეგისტრაცია დაიწყება 09:00 საათზე. (გამოცდის ხანგრძლივობა 3 საათი და 30 წუთი).
2. თსსა საგამოცდო ცენტრში რეგისტრაციის გასავლელად აბიტურიენტი ვალდებ ულია წარადგინოს:
• პირადობის დამადასტურებელი მოწმობის დედანი, სხვა შემთხვევაში აბიტურიენტი არ დაიშვება გამოცდაზე!
3.  აბიტურიენტმა სახვითი ხელოვნების, დიზაინისა და მედიახელოვნების ფაკულტეტების საბაკალავრო პროგრამებზე უნდა იქონიონ გრაფიტის ფანქრები და სახატავი დაფა 70X50 ზომებით.

რეგისტრაციის დასრულების შემდეგ, დაგვიანებული აბიტურიენტი შემოქმედებით ტურზე -ხატვის  გამოცდაზე არ დაიშვება.

 

12 ივნისის საგამოცდო სია

13 ივნისის საგამოცდო სია

14 ივნისის საგამოცდო სია

სტუდენტების საყურადღებოდ!!! II სემესტრის ხანგრძლივობის  ვადები

2023-24 სასწავლო წლის II სემესტრის ხანგრძლივობის  ვადები

 

 

·         სალექციო კურსი – 2024 წლის 11 მარტიდან – 2024 წლის  28 ივნისის ჩათვლით;

·         მისაღები გამოცდების შემოქმედებითი ტურისთვის 1 კვირიანი დასვენება – 2024 წლის 10-14 ივნისი;

·         საგამოცდო სესია – 2024 წლის 1 ივლისიდან – 2024 წლის 19 ივლისის ჩათვლით;

·         დამატებითი გამოცდა X-ს ნიშნის მიღების შემთხვევაში 2024 წლის 22-26 ივლისი;

·         საწარმოო პრაქტიკა 2024 წლის 29 ივლისიდან 2024 წლის 9 აგვისტოს ჩათვლით

447779425_869327231899730_9079254117007448676_n

სტუდენტების საყურადღებოდ!

18 ივნისს, 11:00-13:00 სთ, თბილისის აპოლონ ქუთათელაძის სახელობის სახელმწიფო სამხატვრო აკადემიის ეზოში, გელოდებით Erasmus+ ეროვნული ოფისის გაფართოებულ, საინფორმაციო შეხვედრაზე.

არქიტექტურის პროგრამებზე ჩამბარებელთა საყურადღებოდ!!!

გამოცდა ხაზვაში ჩატარდება 2024 წლის 10 და 11 ივნისს, რეგისტრაცია იწარმოებს 9 საათიდან, გამოცდა დაიწყება 10 საათზე,ხოლო გამოცდის ხანგრძლივობა 5 საათი.

გაითვალისწინეთ, რომ აბიტურიენტი არ დაიშვება გამოცდაზე დაგვიანების შემთხვევაში და აგრეთვე, პირადობის მოწმობის ან პასპორტის წარმოდგენის გარეშე.

აბიტურიენტმა არქიტექტურის ფაკულტეტის (არქიტექტურა, ინტერიერის დიზაინი) საბაკალავრო პროგრამების გამოცდაზე თან უნდა იქონიოს შავი ფანქარი,
ე.წ. მიკროპენი, დაფა რეიშინით, მზომი, ფარგალი, საშლელი და სახაზავები.

იხილეთ 2024 წლის 10 ივნისის გამოცდის მონაწილეთა სია

იხილეთ 2024 წლის 11 ივნისის გამოცდის მონაწილეთა სია

მობილობა სლოვაკეთის, ბრატისლავას სახვითი ხელოვნებისა და დიზაინის აკადემიაში

ERASMUS
29 აპრილი – 3 მაისი, 2024
▫️სლოვაკეთის, ბრატისლავას სახვითი ხელოვნებისა და დიზაინის აკადემიაში – Academy of Fine Arts and Design in Bratislava (AFAD), მობილობით იმყოფებოდნენ თბილისის აპოლონ ქუთათელაძის სახელობის სახელმწიფო სამხატვრო აკადემიის – სახვითი ხელოვნების ფაკულტეტის, გრაფიკის მიმართულების ხელმძღვანელი, თამაზ ვარვარიძე და ამავე მიმართულების სტუდენტები.
მობილობის ფარგლებში, ჩატარდა ლექციები და ვორქშოფი ბრატისლავას აკადემიის, ფერწერის დეპარტამენტის ხელმძღვანელთან, პროფესორ რასტო სედლაჩიკთან ერთად, რომელშიც ჩართული იყვნენ სლოვაკი და ქართველი სტუდენტები. ლექცია მიეძღვნა თანამედროვე ქართული ფერწერას, ხოლო სემინარი – ტიპოგრაფიას. ერთკვირიან გაცვლით პროგრამაში მონაწილეობდნენ სამხატვრო აკადემიის, გრაფიკის მიმართულების სტუდენტები: ბაკა ალავიძე, იულია შარაშენიძე, მარგარიტა ოკუჯავა და ნინო ფიცხელაური.

იტალიის საელჩოს სტიპენდიები თსსა სტუდენტებისთვის

ცხადდება კონკურსი იტალიის მთავრობის მიერ 2024-2025 აკადემიური წლისთვის გამოყოფილი სტიპენდიების მოსაპოვებლად.

საქართველოს მოქალაქეებისთვის გამოყოფილია 63 თვის (ყოველთვიურად 1000 ევროს)
ოდენობის სტიპენდია. განაცხადი უნდა შეივსოს კანდიდატის მიერ ონლაინ შემდეგ
პორტალზე: https://studyinitaly.esteri.it/.
კანდიდატის ელექტრონული განაცხადის წარდგენის ვადა იწურება 2024 წლის 14 ივნისს 14.00 საათზე იტალიის დროით (2024 წლის 14 ივნისს 16.00 საათზე საქართველოს დროით). გთხოვთ იხილოთ დანართი

პროექტი – “ხელოვნება ჩემს ცხოვრებაში”

27 მაისს, ბათუმის ხელოვნების უნივერსიტეტში, ინკლუზიური სწავლების ცენტრის ინიციატივით, ჩატარდა პროექტი – “ხელოვნება ჩემს ცხოვრებაში”. 28 მაისს კი, სამხატვრო აკადემიის სტუდენტებმა: თამარ საბაურმა, გიორგი ყიფშიძემ, თეკლა დარჩიამ და ავთო დათაშვლიმა, ბათუმის ხელოვნების უნივერსიტეტის სტუდენტებთან ერთად, შეზღუდული შესაძლებლობის მქონე პირებისა და უსინათლო ბავშვებისთვის შერეული ტექნიკით მასტერკლასები ჩაატარეს.

პროექტის მხარდამჭერი – აჭარის განათლების, კულტურისა და სპორტის სამინისტრო.

მობილობა Paul Valéry University Montpellier 3 – ში

თბილისის აპოლონ ქუთათელაძის სახელობის სახელმწიფო სამხატვრო აკადემიის – საერთაშორისო ურთიერთობების სამსახურის უფროსი და ერასმუსის ინსტიტუციური კოორდინატორი, მაია ყიფიანი, ერასმუსის პროგრამის ფარგლებში, მიწვევით იმყოფებოდა სამხატვრო აკადემიის ახალ ერასმუს პარტნიორთან, საფრანგეთის – მონპელიეს Paul Valéry University Montpellier 3 უნივერსიტეტის საერთაშორისო სამსახურების კვირეულზე.
ტრენინგის პარალელურად, განხილულ იქნა თანამშრომლობის ახალი პერსპექტივები კინოს მხატვრობის მიმართულებით: ICM, BIP და სხვა მასშტაბური კოლაბორაციული პროექტები, სტუდენტების მობილობები და უცხოელი სტუდენტების მიღებასთან დაკავშირებული გამოწვევები. შედგა ასევე კინოსა და თეატრის მიმართულებებისა და კამპუსების გაცნობითი ვიზიტები, შეხვედრები აკადემიურ პერსონალთან და სხვა.

მობილობა ლიხტენშტეინის უნივერსიტეტში

13-17 მაისი, 2024 – მობილობა ლიხტენშტეინის უნივერსიტეტში.
2017 წლიდან დღემდე, თბილისის აპოლონ ქუთათელაძის სახელობის სახელმწიფო სამხატვრო აკადემიის – არქიტექტურის ფაკულტეტსა და ლიხტენშტეინის უნივერსიტეტის არქიტექტურის დეპარტამენტს შორის, წარმატებული და ნაყოფიერი თანამშრომლობის ფარგლებში, სტუდენტთა ერასმუს მობილობა უწყვეტად მიმდინარეობს. 13-17 მაისს, ლიხტენშტეინში, სამხატვრო აკადემიის საერთაშორისო დეპარტამენტის წარმომადგენელი, ნესტან წიკლაური იმყოფებოდა.
წლების განმავლობაში, გაცვლით პროგრამებში მონაწილე, სამხატვრო აკადემიის სტუდენტებმა, საერთაშორისო ასპარეზზე საუკეთესო შედეგები აჩვენეს. არქიტექტურის ფაკულტეტის კოორდინატორი, ლიხტენშტეინის უნივერსიტეტის საბაკალავრო და სამაგისტრო პროგრამებისათვის მიმდინარე RIBA-ს აკრედიტაციების მოსამზადებელ პროცესებში, პრაქტიკული კუთხით გახლდათ ჩართული. ვიზიტის ფარგლებში, გაიმართა შეხვედრები უნივერსიტეტის რექტორსა და ფაკულტეტის დეკანთან, ასევე გაცვლით პროგრამებში მონაწილე სტუდენტთა ინტერკულტურულ ჯგუფთან. განხილულ იქნა, სხვადასხვა მიმართულებით არსებული შესაძლებლობები და პრიორიტეტები. ერასმუს კვირეულის ფარგლებში, დაიგეგმა სამომავლო პროექტები პარტნიორ უნივერსიტეტებს შორის.

აბიტურიენტთა საყურადღებოდ!!! არქიტექტურის ფაკულტეტზე ჩამბარებელთა პორტფოლიოების შეფასება

გაეცანით არქიტექტურის ფაკულტეტზე ჩამბარებელთა პორტფოლიოების შეფასებას

ძველი ვებ გვერდი

2024 © Made with Infinity