მენიუ
  2. |
  3. სიახლეები-საერთაშორისო

ერასმუს + გზამკვლევი თსსა სტუდენტთა მობილობისთვის

გზამკვლევი

 

პრეზენტაცია “პოსტინდუსტრიულიდან სოციალურ დიზაინერობამდე”

13 მაისი, 2025 წელი – თბილისის აპოლონ ქუთათელაძის სახელობის სახელმწიფო სამხატვრო აკადემიაში ჩატარდა “IED Istituto Europeo di Design” პროფესორის, სოციალური დიზაინერის – Zeno Franchini პრეზენტაცია თემაზე: “პოსტინდუსტრიულიდან სოციალურ დიზაინერობამდე”.
ფრანკინი გახლავთ POLIMI-სა და Design Academy Eindhoven კურსდამთავრებული. ამჟამად “Marginal Studio”-ს თანადამფუძნებელია. მისი ძირითადი შემოქმედებითი მიმართულებაა ობიექტების შექმნა, ტრადიციების გაცოცხლება და თანამედროვე სოციალური გარემოს პრობლემების მოწესრიგება. 2023 წლის ვენეციის ბიენალეზე, ის ოქროს ლომის მფლობელი გახდა. ასევე, გახლავთ “AFTER Festival diffuso di architettura”-ს თანაკურატორი და “LOTs – Libero osservatorio territoriale sud”-ის დამფუძნებელი

ერასმუს მობილობის კონკურსი აკადემიური პერსონალისთვის- მედია ხელოვნების ფაკულტეტი

ცხადდება ერასმუს მობილობის კონკურსი მედია ხელოვნების ფაკულტეტის აკადემიური პერსონალისთვის, ესპანეთში, მალაგაში,   2-6 ივნისს  დაგეგმილ საერთაშორისო კვირეულში მონაწილეობის მისაღებად, რომელიც ეძღვნება ინოვაციებს უმაღლეს განათლებაში და ციფრული ტრანსფორმაციის თემებს (ვიზიტები: CPIFP Alan Turing, Polo Contenidos Digitales” (High Technology Innovation Hub), Games/XR Development Master Vocational Degree, მალაგის ტექნოპარკში).
კვირეულში მონაწილეობა განხორციელდება თსსა-სა და ესპანეთის CARTES კონსორციუმს შორის გაფორმებული ერასმუს ინსტიტუციური ხელშეკრულების ფარგლებში.
აპლიკანტს მოეთხოვება მედია ხელოვნების ფაკულტეტის კომისიას წარუდგინოს   CV და კვირეულის თემასთან დაკავშირებულ აქტივობებში მონაწილეობის გამოცდილება
დედლაინი, 19 მაისი.
საკონტაქტო პირი:
ნესტან წიკლაური, მედია ხელოვნების ფაკულტეტის საერთაშორისო კოორდინატორი

დიზაინის ფაკულტეტის – კერამიკის მიმართულების პროფესორის, სენჯერ სარის (Sencer Sari) კერამიკისა და მინის ინგლისურენოვანი სახელმძღვანელო

დასრულდა თბილისის აპოლონ ქუთათელაძის სახელობის სახელმწიფო სამხატვრო აკადემიის, დიზაინის ფაკულტეტის – კერამიკის მიმართულების პროფესორის, სენჯერ სარის (Sencer Sari) ოთხწლიანი სამუშაო პროცესი, კერამიკისა და მინის ინგლისურენოვან სახელმძღვანელოზე.
წიგნი იყიდება პლატფორმა Amazon-ზე. რადგან გამოცემა აკადემიურ სფეროს მიეკუთვნება, ფასი სტუდენტებისთვის ხელმისაწვდომი იქნება. მნიშვნლოვანია, რომ აღნიშნული სახელმძღვანელო, სამხატვრო აკადემიის ეგიდით – მხატვრული კერამიკისა და მინის დარგში მომზადებული, პირველი ინგლისურენოვანი სახელმძღვანელოა

ვიზიტი ვარშავის სახვითი ხელოვნების აკადემიაში

5-9 მაისს, თბილისის აპოლონ ქუთათელაძის სახელობის სახელმწიფო სამხატვრო აკადემიის ახალი ერასმუს პარტნიორის – ვარშავის სახვითი ხელოვნების აკადემიის მიწვევით, ქალაქ ვარშავაში იმყოფებოდნენ: სამხატვრო აკადემიის საერთაშორისო სამსახურის ხელმძღვანელი – მაია ყიფიანი, მოდის დიზაინის მიმართულების ხელმძღვანელი – პროფესორი ნინო მგალობლიშვილი და კანცელარიის უფროსი, ლანა მანაგაძე. შედგა შეხვედრა ვარშავის აკადემიის კანცლერთან და საერთაშორისო სამსახურის ხელმძღვანელთან. შეხვედრაზე მხარეებმა ისაუბრეს აკადემიების სტრუქტურის და მოდელის შესახებ, გაცვალეს გამოცდილება საერთაშორისო თანამშრომლობის ფარგლებშიც.
განხორციელდა ვიზიტი ოთხ სხვადასხვა კამპუსში, შედგა მოლაპარაკება სამომავლო თანამშრომლობაზე (გაცვლითი სტუდენტური პრაქტიკის ორგანიზება ერასმუს პროგრამის ფარგლებში) და მიმდინარე წლის ივლისში დაიგეგმა ასევე, ვარშავის აკადემიის წარმომადგენლების ვიზიტი თბილისში, სამხატვრო აკადემიაში დიპლომების დაცვის პერიოდში. პროფესორმა ნინო მგალობლიშვილმა ჩაატარა ვორქშოფი – მოდის დიზაინის მიმართულების სტუდენტებისთვის. დაიგეგმა ვარშავის აკადემიის მოდის დიზაინის ხელმძღვანელის, მოდის ისტორიის პროფესორის ვიზიტიც – სადიპლომო კომისიის საპატიო წევრის სტატუსით და ვორქშოფი ქართველი სტუდენტებისვის.

Zeno Franchini -ს პრეზენტაცია

13 მაისს, თბილისის აპოლონ ქუთათელაძის სახელობის სახელმწიფო სამხატვრო აკადემია უმასპინძლებს “IED Istituto Europeo di Design” პროფესორს ტურინიდან, სოციალურ დიზაინერს, Zeno Franchini პრეზენტაციას თემებზე – პოსტინდუსტრიულიდან სოციალურ დიზაინერობამდე.

ფრანკინი გახლავთ POLIMI-სა და Design Academy Eindhoven კურსდამთავრებული. ამჟამად “Marginal Studio”-ს თანადამფუძნებელია. მისი ძირითადი შემოქმედებითი მიმართულებაა ობიექტების შექმნა, ტრადიციების გაცოცხლება და თანამედროვე სოციალური გარემოს პრობლემების მოწესრიგება. ამჟამად თანამშრომლობს პალერმოს სოციალურ ჯგუფებთან – გარემოსდაცვითი ბრძოლისა და ახალბედების ჩართვის საკითხებზე, ქმნის სახელოსნოებს დიზაინის წარმოებისთვის, მიტოვებულ სივრცეებში. Marginal Studio წარმოდგენილია: Triennale Design Museum Milano, La Biennale di Venezia Manifesta Palermo, Design Basel, ADI Design Museum და მრავალ სხვა პლატფორმაზე.

2023 წლის ვენეციის ბიენალეზე, ის ოქროს ლომის მფლობელი გახდა. ასევე, გახლავთ “AFTER Festival diffuso di architettura”-ს თანაკურატორი და “LOTs – Libero osservatorio territoriale sud”-ის დამფუძნებელი. ეს არის არასამთავრობო ორგანიზაცია, რომელიც ფოკუსირებულია რეგენერაციასა და სოციალურ ინოვაციებზე და სიცილიაში ისტორიების თხრობაზე. პალერმოში ფრანკინი თანამშრომლობს სამუშაო სივრცესთან “Scalo 5b”, რომელიც მასპინძლობს სოციალური ინკლუზიის პროექტებს.

შეხვედრის თარიღი და დრო: 13 მაისი, 15:00 საათი
მისამართი: ალ. გრიბოედოვის N 22, სამხატვრო აკადემია, აუდიტორია N906

ლინცის კათოლიკური უნივერსიტეტის პროფესორის, მონიკა ლაიშლ-კისლის საჯარო ლექცია.

ERASMUS
2 მაისი, 2025 წელი
თბილისის აპოლონ ქუთათელაძის სახელობის სახელმწიფო სამხატვრო აკადემიაში, გაიმართა ლინცის კათოლიკური უნივერსიტეტის პროფესორის, მონიკა ლაიშლ-კისლის საჯარო ლექცია. ლექცია შეეხო გენდერული კვლევების ფარგლებში დიალოგს ისტორიასა და თანამედროვე ხელოვნებას შორის.

ვროცლავის ხელოვნების აკადემიის ასისტენტ პროფესორი – მაჩეი იაროშჩუქის ვიზიტი

30აპრილი – 1 მაისი, 2025 წელი
თბილისის აპოლონ ქუთათელაძის სახელობის სახელმწიფო სამხატვრო აკადემიას, თანამშრომლობის მობილობის ფარგლებში, ესტუმრა ვროცლავის ხელოვნების აკადემიის ასისტენტ პროფესორი – მაჩეი იაროშჩუქი. სტუმარი შეხვდა სამხატვრო აკადემიის რექტორს და სხვა წარმომადგენლებს, ასევე მან სახვითი ხელოვნების ფაკულტეტის – გრაფიკის მიმართულების სტუდენტების მონაწილეობით პრეზენტაცია-ვორქშოფი გამართა.

იტალიის მთავრობის სტიპენდიები – სახელოვნებო სასწავლო პროგრამები

2025-2026 აკადემიური წლისთვის, იტალიის მთავრობის მიერ, საქართველოს მოქალაქეებისათვის გამოყოფილია 63 თვის რაოდენობის სტიპენდია, მათ შორის სახელოვნებო სასწავლო პროგრამებზე სასწავლებლად.
დეტალები იხილეთ თანდართულ ბმულზე, იტალიის საელჩოს ვებ გვერდზე

პროფესორ მონიკა ლაიშლ-კისლის ვიზიტი – თბილისის აპოლონ ქუთათელაძის სახელობის სახელმწიფო სამხატვრო აკადემიაში

ლინცის კათოლიკური უნივერსიტეტის პროფესორი, ხელოვნებათმცოდნე და ფილოსოფოსი მონიკა ლაიშლ-კისლი, 28 აპრილიდან 3 მაისის ჩათვლით, ერასმუს მობილობის ფარგლებში, სამხატვრო აკადემიაში იმყოფება. ის ჩაატარებს თემატურ ლექციებსა და სემინარებს – გენდერული კვლევების, სემიოტიკის და ესთეტიკის საკითხების შესახებ.
პროფესორი ლაიშლ-კისლი 28, 29, და 30 აპრილს 17:00 საათზე ჩაატარებს ლექციებს, ხოლო 2 მაისს გამართავს საჯარო ლექციას – სამხატვრო აკადემიის სტუდენტებისთვის.

ვროცლავის ხელოვნების აკადემია – რეგისტრაცია საერთაშორისო ვორქშოფზე

2025 წლის 19-23 მაისს, მრავალწლიანი წარმატებული თანამშრომლობის ფარგლებში (სტუდენტთა და პესონალის ერასმუს გაცვლითი მობილობები), თბილისის აპოლონ ქუთათელაძის სახელობის სახელმწიფო აკადემიას ეწვევა ERASMUS პარტნიორი, პოლონეთის, ვროცლავის ხელოვნების აკადემიის – სახვითი ხელოვნების მიმართულების პროფესორი Alicja Pruchniewicz, რომელიც ჩაატარებს ვორქშოფს სახვითი ხელოვნების ფაკულტეტის სტუდენტებისთვის. ვორქშოფის დასასრულს სტუდენტებს გადაეცემათ სერტიფიკატები
გთხოვთ ქვემოთ იხილოთ პრეზენტაციის/ვორქშოფის თემა და გაიაროთ რეგისტრაცია!
საკონტაქტო პირი: ნატა ნიკოლეიშვილი
nata.nikoleishvili@art.edu.ge
593 799 960
Introduction to the Eugeniusz Geppert Academy of Fine Arts in Wrocław
-Overview of the Academy’s history
-Structure of the Academy, including its faculties, specialized programs, and facilities.
-Opportunities for international exchange, residencies, and interdisciplinary projects.
-Presentation of notable achievements and collaborations, highlighting the Academy’s role as a
hub for artistic innovation and research.
Organic Forms in Contemporary Art
-Discussion of organic forms as a recurring motif in contemporary art.
-Analysis of how artists integrate organicity to explore relationships between nature, humans, and
technology
– Presentation of selected works from global and local artists, including personal projects that
explore the theme of parasitism and interconnectivity.
– Examination of the philosophical and ecological implications of using organic forms in art.
Lecture 3: Innovative Materials and Techniques in Contemporary Painting – workshop
Duration: 1 hour + 2 hour workshop
– Discussion of how innovative materials influence scale, texture, and the sensory perception of
art
– studio practice
Storytelling in Painting: Artistic Possibilities for Artists
Duration: 1 hour + 2h conversation with participants
-Exploration of painting as a narrative medium, analyzing its capacity to convey complex stories,
emotions, and ideas.
– Discussion of storytelling techniques in painting, including symbolism, abstraction, and
layering
– Presentation of historical and contemporary examples, focusing on how artists use storytelling
to address social, cultural, and personal themes.
– talk with participants and portfolio review
Workshops are aimed at exploring contemporary artistic practices, interdisciplinary approaches, and their application in creative and educational contexts.

ძველი ვებ გვერდი

2024 © Made with Infinity