მენიუ
  2. |
  3. საერთაშორისო
  4. |
  5. Page 5

კონკურსი – თურქეთის კასტამონუს უნივერსიტეტი

ცხადდება პერსონალის შესარჩევი კონკურსის პირველი ეტაპი ერასმუს მობილობისთვის თსსა დიზაინის ფაკულტეტის ერასმუს პარტნიორ  –  თურქეთის Kastamonu უნივერსიტეტში, საერთაშორისო კვირეულში მონაწილეობის მისაღებად. ა.წ. 14-19 ოქტომბერს.
კვირეული მიეძღვნება უნივერსიტეტებში ერასმუს+ პროგრამის განხორციელების  რეგულაციებს და პარტნიორული თანამშრომლობის გაფართოებას.

შესარჩევი კონკურსის პირველი ეტაპი წარმოადგენს შერჩევას აპლიკანტის შესაბამის სამსახურში/ფაკულტეტზე და ოფიციალურ ნომინირებას.
აპლიკანტის საბოლოო შეჩევა შედგება კასტამონუს უნივერსიტეტის მიერ.

გთხოვთ დანართში იხილოთ აპლიკაციის ფორმა და მოტივაციის ფორმა, და სააპლიკაციო ბმული დოკუმენტების ასატვირთად
https://erasmus.kastamonu.edu.tr/index.php/component/content/article/incoming-ka171-personel-call?catid=20&Itemid=101

აპლიკაციის პროცესი მოიცავს შემდეგი ოფიციალური დოკუმენტების წარდგენას (თსსა ტიტულიან ქაღალდზე, ოფიციალური პირის ხელმოწერით და ბეჭდით, ინგლისურ ენაზე):
კასტამონუს უნივერსიტეტის  აპლიკაციის ფორმა
ფოტო
ინგლისური ენის  ცოდნის დამადასტურებელი დოკუმენტი, ცნობა ან სერტიფიკატი
მოტივაციის წერილი
აპლიკანტის ნომინაციის წერილი შესაბამისი სამსახურის/ფაკულტეტის კომისიის დასკვნის საფუძველზე
ცნობა სამსახურიდან, აპლიკანტის სამუშოა გამოცდილების ხანგრძლივობის მითითებით

აპლიკაციის წარდგენის დედლაინი: 10 აგვისტო, 2024

საკონტაქტო პირი:
თსსა საერთაშორისო ურთიერთობების განყოფილების, დიზაინის ფაკულტეტის და სახვითი ხელოვნების ფაკულტეტის საერთაშორისო პროექტების და ერასმუს პროგრამის კოორდინატორი  ნატა ნიკოლეიშვილი nata.nikoleishvili@art.edu.ge

Letter of Intent Template

ICM-Application-Staff

მილანის პოლიტექნიკური ინსტიტუტის დელეგაცია აკადემიაში

1-8 ივლისს, ERASMUS+ პროგრამის ფარგლებში, თბილისის აპოლონ ქუთათელაძის სახელობის სახელმწიფო სამხატვრო აკადემიას, ეწვია ერასმუს პარტნიორი – იტალიის, ქალაქ მილანის პოლიტექნიკური ინსტიტუტის პროფესორი ერმეს ინვერნიცი (Ermes Invernizzi), ცნობილი რესტავრატორი, სილვიო კალვი (Silvio Calvi) და პროფესორი ელეონორა ბერსანი (Eleonora Bersani) – თანამშრომლობის ინიციატორი და მხარდამჭერი.
ვიზიტი დაიგეგმა, როგორც მილანის პოლიტექნიკურ ინსტიტუტთან მრავალწლიანი, წარმატებული, აკადემიური პერსონალის და რესტავრაციის და არქიტექტურის მიმართულებების სტუდენტების ერთ-სემესტრიანი გაცვლითი მობილობების შემდეგი და ახალი კვლევითი ეტაპი თემაზე – “თბილისსა და მილანში არსებული Art Nouveau-ს ნაგებობების კვლევა და შედარებითი ანალიზი”.
ვიზიტი ასევე მოიცავდა: შეხვედრას სამხატვრო აკადემიის რექტორთან და საერთაშორისო სამსახურთან, იტალიელი და ქართველი პროფესორების გასვლით კვლევით სესიას თბილისში art nouveau-ს ნაგებობების შესწავლის მიზნით, ასევე კვლევით ვიზიტს კულტურული მემკვიდრეობის ძეგლებზე ქალაქ სიღნაღში, პროფესორ Ermes Invernizzi-ის ლექციას თემაზე “არქიტექტურული დიზაინი – მილანის სკოლა” – ხელოვნების ისტორიისა და არქიტექტურის სტუდენტებისთვის, არქიტექტურის ისტორიის პროფესიონალებისთვის; ასევე, სამუშაო შეხვედრას/მრგვალ მაგიდას მილანის პოლიტექნიკური ინსტიტუტის დოქტორანტის Duccio Fantoni-ის ჩართულობით, რომელიც 3 თვიან ერასმუს მობილობას გაივლის თსსა რესტავრაციის, ხელოვნების ისტორიისა და თეორიის ფაკულტეტზე (აგვისტო- ოქტომბერი, 2024) – დისერტაციის თემა “თბილისური ეზოები”. იტალიელი პროფესორის Ermes Invernizzi-ის ლექციას დაესწრო იტალიის საელჩოს მისიის ხელმძღვანელი Fabiola Albanese.

სტუდენტების საყურადღებოდ! ლექცია “არქიტექტურული დიზაინი და მეხსიერება: მილანის სკოლა”

8 ივლისს, 17:00 საათზე – თბილისის აპოლონ ქუთათელაძის სახელობის სახელმწიფო სამხატვრო აკადემიის სარკეებიანი დარბაზების საბიბლიოთეკო სივრცეში, გაიმართება სამხატვრო აკადემიის ერასმუს პარტნიორის – მილანის პოლიტექნიკური ინსტიტუტის, არქიტექტურის პროფესორის – Ermes Invernizzi ლექცია თემაზე “არქიტექტურული დიზაინი და მეხსიერება: მილანის სკოლა”.
(Architectural design and memory: about the “Scuola di Milano”)

Erasmus+-ის ეროვნული ოფისის წარმომადგენლების შეხვედრა სტუდენტებთან

25 ივნისი, 2024
▫️თბილისის აპოლონ ქუთათელაძის სახელობის სახელმწიფო სამხატვრო აკადემიაში, Erasmus+-ის ეროვნულმა ოფისმა გამართა შეხვედრა სტუდენტებთან. შეხვედრაზე განხილულ იქნა ყველა ის შესაძლებლობა, რომელიც ხელმისაწვდომია სტუდენტებისთვის და ახალგაზრდებისთვის – Erasmus+-ის კრედიტების მობილობის პროგრამით და Erasmus Mundus-ის ერთობლივი სამაგისტრო პროგრამით

კრისტინ ვენცელის ორდღიანი სემინარი – “არქიტექტურის მეხსიერება”

კრისტინ ვენცელის ორდღიანი სემინარი – “არქიტექტურის მეხსიერება”, თბილისის აპოლონ ქუთათელაძის სახელობის სახელმწიფო სამხატვრო აკადემიაში.
22-23 ივნისს, თბილისის ქალაქგამოსახულების კვლევის ცენტრი “უბანის” ორგანიზებით და სამხატვრო აკადემიის პარტნიორობით, ჩატარდა კვლევითი სემინარი – “არქიტექტურის მეხსიერება, ტრანსფორმაცია და იდენტობა”.
სემინარს უძღვებოდა Templat-ის თანადამფუძნებელი, არტისტი – კრისტინ ვენცელი. შედგა სტუდენტებთან შეხვედრა, ასევე გაიმართა პრაქტიკული სემინარი, რომლის ფარგლებშიც სტუდენტების მიერ შექმნილი ნამუშევრები, 27 ივნისს გამოიფინება კინოს სახლში

აღმოაჩინეთ Erasmus+ მობილობის და Erasmus Mundus-ის შესაძლებლობები!

გსურთ გაიფართოოთ ჰორიზონტი და გაამდიდროთ თქვენი აკადემიური ცხოვრება? Erasmus+-ის ეროვნული ოფისი საქართველოში გიწვევთ ღონისძიებაზე, რომელზეც განხილული იქნება ყველა ის შესაძლებლობა, რომელიც ხელმისაწვდომია სტუდენტებისთვის და ახალგაზრდებისთვის Erasmus+-ის კრედიტების მობილობის პროგრამით და Erasmus Mundus-ის ერთობლივი სამაგისტრო პროგრამით.

დეტალები:

თარიღი: 25 ივნისი, 2024
დრო: 11:00 – 13:00
სამიზნე ჯგუფი: სტუდენტები და ახალგაზრდები
ლოკაცია: თბილისის სამხატვრო აკადემია

რატომ უნდა დაესწროთ ღონისძიებას?

Erasmus+-ის მობილობა: გაეცანით მრავალფეროვან გაცვლით პროგრამებს. ამ პროგრამების საშუალებით გექნებათ საშუალება საზღვარგარეთ ისწავლოთ,მიიღოთ მონაწილეობა ტრენინგებში და გაამდიდროთ თქვენი გამოცდილება.
Erasmus Mundus: გაიგებთ, თუ როგორ შეგიძლიათ მიიღოთ მონაწილეობა საერთაშორისოდ აღიარებულ ერთობლივ მაგისტრატურის პროგრამაში, Erasmus Mundus-ში.
რჩევები განაცხადის დაწერასთან დაკავშირებით: მიიღეთ დეტალური რჩევები შენატანის გაკეთებასთან (მათ შორის შერჩევის კრიტერიუმებთან), დოკუმენტაციის შეგროვებასთან და მნიშვნელოვან დედლაინებთან დაკავშირებით.
მოუსმენთ Erasmus+-ის პროგრამის კურსდამთავრებულებს: მიიღეთ ღირებული რჩევები სტუდენტებისგან, რომლებმაც წარმატებით მიიღეს მონაწილეობა Erasmus+-ის მობილობებში და Erasmus Mundus-ში.
ინტერაქტიული კითხვა-პასუხი: მიიღეთ პასუხები Erasmus+-ის კოორდინატორისა და გამოცდილი კურსდამთავრებულებისგან.
ნეთვორქინგი: გაიცანით თანატოლები, რომლებიც თქვენსავით დაინტერესებულნი არიან საზღვარგარეთ სწავლით.

გთხოვთ დარეგისტრირდეთ ღონისძიებაზე სარეგისტრაციო ფორმის შევსებით. ღონისძიებაზე დამსწრეთა რაოდენობა შეზღუდულია!

სარეგისტრაციო ბმული

აკადემიური პერსონალის ერასმუს მობილობა მილანის პოლიტექნიკურ ინსტიტუტში

27-31 მაისი, თსსა რესტავრაციის, ხელოვნების ისტორიისა და თეორიის ფაკულტეტის პროფესორის მაია მანიას მობილობა თსსა ერასმუს პარტნიორ, იტალიის მილანის პოლიტექნიკურ ინსტიტუტში. ლექციის თემა ‘art nouveau-ის ნაგებობების კვლევა და შედარებითი ანალიზი მილანსა და თბილისში’

კონკურსი დიზაინის ფაკულტეტის მხატვრული კერამიკის მიმართულების სტუდენტებისათვის

საქართველოსა და იტალიის მეგობრობის საფუძველზე იტალიის მუნიციპალიტეტ
ჩიჩერალეში იგეგმება ნიკო ფიროსმანის სახელობის ქუჩის გახსნა.
თსსა-სა და იტალიის საელჩოს თანამშრომლობის ფარგლებში, იტალიის საელჩოს
ეგიდით თბილისის სახელმწიფო სამხატვრო აკადემიაში გაიმართება კონკურსი
დიზაინის ფაკულტეტის მხატვრული კერამიკის მიმართულების სტუდენტებისათვის.
კონკურსის მიზანია ამავე ქუჩის შენობებისათვის დამზადდეს ნუმეროლოგიის
განმსაზღვრელი აბრები, ობიექტი ზომებით 15X10 სმ, თავისუფალი თემის კერამიკული
ფილა.
კონკურსის შედეგად გამოვლენილი 5 საუკეთესო ნამუშევრის ავტორი
დაჯილდოვდება.
კონკურსი მოიცავს შემდეგ ეტაპებს:
1. მონაწილეთა რეგისტრაცია
2. კონკურსანტთა მიერ შესასრულებელი კერამიკული ფილის ოდენობის განსაზღვრა
3. კერამიკული ფილების დამზადების პროცესი
4. შეფასება
5. მონტაჟი
რეგისტრაციის ვადები 17/06 – 18/06
სარეგსტრაციო პროცედურისათვის მიმართეთ პროექტის კოორდინატორს
ნესტან წიკლაური
არქ. ფაკულტეტის დეკანატი მე 9 სართული

447779425_869327231899730_9079254117007448676_n

სტუდენტების საყურადღებოდ!

18 ივნისს, 11:00-13:00 სთ, თბილისის აპოლონ ქუთათელაძის სახელობის სახელმწიფო სამხატვრო აკადემიის ეზოში, გელოდებით Erasmus+ ეროვნული ოფისის გაფართოებულ, საინფორმაციო შეხვედრაზე.

მობილობა სლოვაკეთის, ბრატისლავას სახვითი ხელოვნებისა და დიზაინის აკადემიაში

ERASMUS
29 აპრილი – 3 მაისი, 2024
▫️სლოვაკეთის, ბრატისლავას სახვითი ხელოვნებისა და დიზაინის აკადემიაში – Academy of Fine Arts and Design in Bratislava (AFAD), მობილობით იმყოფებოდნენ თბილისის აპოლონ ქუთათელაძის სახელობის სახელმწიფო სამხატვრო აკადემიის – სახვითი ხელოვნების ფაკულტეტის, გრაფიკის მიმართულების ხელმძღვანელი, თამაზ ვარვარიძე და ამავე მიმართულების სტუდენტები.
მობილობის ფარგლებში, ჩატარდა ლექციები და ვორქშოფი ბრატისლავას აკადემიის, ფერწერის დეპარტამენტის ხელმძღვანელთან, პროფესორ რასტო სედლაჩიკთან ერთად, რომელშიც ჩართული იყვნენ სლოვაკი და ქართველი სტუდენტები. ლექცია მიეძღვნა თანამედროვე ქართული ფერწერას, ხოლო სემინარი – ტიპოგრაფიას. ერთკვირიან გაცვლით პროგრამაში მონაწილეობდნენ სამხატვრო აკადემიის, გრაფიკის მიმართულების სტუდენტები: ბაკა ალავიძე, იულია შარაშენიძე, მარგარიტა ოკუჯავა და ნინო ფიცხელაური.

ძველი ვებ გვერდი

2024 © Made with Infinity