მენიუ
  2. |
  3. ვორქშოფები/სემინარები/კონფერენციები
Open Call 1

საერთაშორისო ვორქშოფი კულტურული მემკვიდრეობის კონსერვაციაში

საერთაშორისო ვორქშოფი კულტურული მემკვიდრეობის კონსერვაციაში – განაცხადის მიღების ბოლო ვადა 10/09/2024
მოხარულნი ვართ გაცნობოთ კიდევ ერთი საერთაშორისო ვორქშოფის განხორციელების თაობაზე, რომელიც საქართველოში კულტურული მემკვიდრეობის კონსერვაციის დარგის განვითარებას ემსახურება.

მორიგი საერთაშორისო ვორქშოფის თემას წარმოადგენს ,,მულტისპექტრული ფოტოგადაღება და მდგომარეობის 3დ ფოტოგრამეტრიული მონიტორინგი კედლის მხატვრობის კონსერვაციაში”.

პროექტის მთავარი დამფინანსებელი ორგანიზაცია განათლების საერთაშორისო ცენტრი გახლავთ. ვორქშოფის საერთაშორისო მენტორები არიან ვენდი როუზი (გეტის ინსტიტუტის კონსულტანტი, აშშ), ჯოშუა ჰილი (ეროვნული გალერეა, ლონდონი, დიდი ბრიტანეთი), ანდრეს უენი (ესტონეთის სამხატვრო აკადემია, ესტონეთი). პროექტი ხორციელდება გელათის რეაბილიტაციის კომიტეტთან და ესტონეთის სამხატვრო აკადემიასთან კოლაბორაციით.

ვორქშოფი გაიმართება გელათის სამონასტრო კომპლექსში, იმერეთში 2024 წლის 3, 4, 5, 6 ოქტომბერს. ღონისძიების მიზანია კედლის მხატვრობის კონსერვაციის დარგის განვითარება და საერთაშორისო სტანდარტით თანამედროვე 3დ მონიტორინგის მეთოდების საქართველოს კედლის მხატვრობის კონსერვაციის დარგში დანერგვა. ამასთან, კვლევის არაინვაზიური მეთოდის – მულტისპექტრული ფოტოგადაღების პრაქტიკის გაძლიერება.

ვორქშოფს ესწრება გელათის კედლის მხატვრობის კონსერვაციის ჯგუფი და ამასთან ცხაადება მიღება საქართველოს მოქალაქეებზე, რომელთაც სურთ მონაწილეობა მიიღონ აღნიშნულ ღონისძიებაში და აკმაყოფილებენ მოთხოვნებს (არიან კულტურული მემკვიდრეობის კონსერვაციის სფეროს წარმომადგენლები, აქვთ ფოტოგრაფიის საბაზისო ცოდნა, კომპიუტერული უნარები და ფლობენ ინგლისურ ენას). აქვე დავძენთ, კანდიდატთა მიღება შეზღუდულია. საჭირო საბუთების გამოგზავნის ბოლო ვადა 2024 წლის 10 სექტემბერია.

მოგმართავთ თხოვნით, რომ მოცემული ინფორმაცია გაავრცელოთ თქვენს სტუდენტებსა და კოლეგებში.

გარდა ამისა, დაგვეხმარებით თუკი შეძლებთ ვორქშოფის შესახებ ინფორმაციის გაზიარებას თქვენს სოციალურ ქსელებში, რათა უფრო ფართო აუდიტორიას მივაწვდინოთ ხმა.

ვორქშოფის პროგრამა და კანდიდატთა მიღების განაცხადი იხილეთ თანდართულ ბმულში.

თქვენი მხარდაჭერა და თანამშრომლობა ძალიან მნიშვნელოვანია კულტურული მემკვიდრეობის სფეროსთვის.

დიდი მადლობა მხარდაჭერისთვის!

დამატებითი კითხვების შემთხვევაში მოგვმართეთ.

საუკეთესო სურვილებით,
საორგანიზაციო ჯგუფი

საკონტაქტო ინფორმაცია:

პროექტის ხელმძღვანელი მარიამ საღარაძე: sagaradzemariam@gmail.com

პროექტის თანაორგანიზატორი ნინო კობერიძე: +995 551 107 001
პროექტის თანაორგანიზატორი ასმათ ტყეშელაშვილი: +995 598 585 598
455048856_1017998280327108_4676275926363945855_n

საერთაშორისო საგანმანათლებლო პროექტის, “დიზაინ ლაბი – ინტერტექსტუალური სინერგია დიზაინში” ფარგლეში, გრძელდება სემინარების ციკლი

თბილისის აპოლონ ქუთათელაძის სახელობის სახელმწიფო სამხატვრო აკადემიის დიზაინის ფაკულტეტის – მოდის დიზაინის მიმართულება, საერთაშორისო საგანმანათლებლო პროექტის, “დიზაინ ლაბი – ინტერტექსტუალური სინერგია დიზაინში” ფარგლეში, აგრძელებს სემინარების ციკლს!
წარმოგიდგენთ ელენა რელეევას/Elena EWEST, საერთაშორისო ორგანიზაცია “EWST Fashionlab”- ის დამფუძნებელი, საერთაშორისო საგანმანათლებლო ექსპერტი მოდის დიზაინში (მსოფლიოში ცნობილია, როგორც უდანაკარგო თარგების დამზადებისა და დრაპირების მიღების ოსტატი):
• საკვლევი თემა: მდგრადი მოდა;
• მიგნებები: “FABRICS-CAPE” – ნიმუშების ინოვაციური ჭრა;
დეტალურ ინფორმაციას გაეცანით ბმულზე
დაინტერესების შემთხვევაში, დარეგისტრირდით

საერთაშორისო საგანმანათლებლო პროექტის ფარგლებში ,,დიზაინ ლაბი – ინტერტექსტუალური სინერგია დიზაინში’’ გრძელდება სემინარების ციკლი

თსსა მოდის დიზაინის მიმართულება – საერთაშორისო საგანმანათლებლო პროექტის ფარგლებში ,,დიზაინ ლაბი – ინტერტექსტუალური სინერგია დიზაინში’’ აგრძელებს სემინარების ციკლს !
სპეციალური მოწვევით – ჯულიან რობერტსი/ Julian Roberts (მსოფლიოში ცნობილი არატრადიციული თარგების დამზადების ბრიტანელი ოსტატი, ექსპერტი დიზაინის დარგში), ამჟამად არის მოდისა და ტექსტილის დიზაინში პორტსმუთის უნივერსიტეტის პრფესორი და ბრიტანეთში Graduate Fashion Foundation-ის (GFF/GFW) რწმუნებული.
დეტალურ ინფორმაციას გაეცანით ბმულზე
• დაინტერესების შემთხვევაში, გთხოვთ – დარეგისტრირდეთ (აუცილებელია) 

საგანმანათლებლო პროექტი “დიზაინ ლაბი – ინტერტექსტუალური სინერგია დიზაინში”

დიზაინის ფაკულტეტის – მოდის დიზაინის მიმართულებით ორგანიზებული საერთაშორისო საგანმანათლებლო პროექტი “დიზაინ ლაბი – ინტერტექსტუალური სინერგია დიზაინში”. მიზანი:
• T&A ინდუსტრიის გათვალისწინებით, მდგრადობისა და მწვანე პრაქტიკის გაძლიერება, განათლების ახალი ფორმებისა და მასშტაბის გაფართოება, საერთაშორისო საავტორო პროგრამების ათვისება და სასწავლო კურსებად დანერგვა, კერძოდ :
1. ახალი მწვანე/მდგრადი სასწავლო გეგმების/სრული კურსის შემუშავება – საერთაშორისო ექსპერტების საავტორო პროგამების ჩართულობით ერთობლივი სასწავლო გეგმის/კურსის განხორცილება სასწავლო პროგრამებში (MA, BA)
2. კურსდამთავრებულების მხარდასაჭერად მწვანე და მდგრად პრაქტიკაში რეალური გამოცდილების გაზიარება (სპეციალურად ორგანიზებული ვორქშოფები, ტრეინინგები, პრაქტიკები, სემინარები)
3. საერთაშორისო და ადგილობრივი გამოცდილების, ცოდნისა და უნარების გაზიარება დასაქმებისა და კერძო ბიზნესის განვითარების მსურველთათვის. პროექტის ფარგლებში მიმდინარეობს საერთაშორისო ცნობილი ექსპერტების მოწვევა და ადგილობრივი დარგის წარმომადგელების (ექსპერტები) მასტერკლასები, ასევე, რეგიონალური პრაქტიკების ორგანიზება
▫️დაინტერესებულ აუდიტორიას აქვს შესაძლებლობა – მდგრადი დიზაინის მიზნებისა და სტრატეგიების გათვალისწინებით შეისწავლოს და გაიზიაროს ადგილობივი და საერთაშორისო საუკეთესო გამოცდილება, იმუშაოს საერთაშორისო ესქპერტებთან და თსსა პედაგოგებთან (ექსპერტებთან) ერთად, კერძოდ :
1. შესწავლის ნოვატორული სამკერვალო ტექნოლოგიებისა და ტექსტილის მიღების ტექნოლოგიური მეთოდები ;
2. შეიმუშავოს მოთხოვნადი/მიზნობრივი პროდუქტი (იდეიდან მზა პროდუქტამდე); 3. შეასრულოს შემოქმედებითი და გამოყენებით დიზაინ-ფორმები (ტექსტილისა და რაციონალური ტანსაცმლის დიზაინი)
პროექტის ,,დიზაინ ლაბი – ინტერტექსტუალური სინერგია დიზაინში’’- ფარგლებში სპეციალური მოწვეული იყო შინგო სატო/Shingo Sato (მსოფლიოში ცნობილი დრაპირების მეთოდებისა და არატრადიციული თარგების დამზადების იაპონელი ოსტატი, ექსპერტი დიზაინის დარგში);
• https://fb.me/e/98dqn6qwl
• https://www.facebook.com/
შინგო სატოს არატრადიციული მიდგომა ტანსაცმლის დიზაინისა და შაბლონების მანიპულირებისადმი – ახალი სიტყვაა მსოფლიო მოდისა და დიზაინ-განათლების ინდუსტრიაში.
▫️ფართო აუდიორიამ შეისწავლა – როგორ შექმნას ტანსაცმლის ბლოკი სხეულის ფორმაზე ,,დრაპირების” გამოყენებით:
– როგორ გადალახოს საკუთარი შემოქმედებითი საზღვრები ;
– როგორ შექმნას ტანსაცმლის ფორმათა სერიები დრაპირების საშუალებით;
– ტალღოვანი დიზაინის ხაზების გამოყვანას და კაბის ფორმების დაშლა ცალკეულ პანელებად; – სხვადასხვა მასალის ნაკერების შეერთება შეიქმნება უნიკალური და არაორდინალური მრავალპანელიანი მოდელები.
მხარდამჭერი:
• TSAA/Fashion Design Portal თსსა/მოდის დიზაინის პორტალი – https://www.facebook.com/
• FashionHolics Online – https://www.facebook.com/
• ალტერნატიული დისკურსი – https://fb.me/e/5i2mMH5y9
• ინიციატივა NK
• დიზაინის ფაკულტეტი
• თბილისის აპოლონ ქუთათელაძის სახელობის სახელმწიფო სამხატვრო აკადემია

სტუდენტური სამეცნიერო კონფერენცია “ვიზუალური ხელოვნება და რეკლამა”

27-28 ივნისს, თბილისის აპოლონ ქუთათელაძის სახელობის სახელმწიფო სამხატვრო აკადემიაში, მედია ხელოვნების ფაკულტეტის ორგანიზებით, გაიმართა მე-3 სტუდენტური სამეცნიერო კონფერენცია “ვიზუალური ხელოვნება და რეკლამა”.
▫️ხელმძღვანელი: თამარ დარსაველიძე
▫️მონაწილე სტუდენტები: ნინი საყვარელიძე, თამარ კუჭავა, გვანცა ბოლქვაძე, გვანცა ალავიძე, მარიამ ქადაგიძე, მიხეილ ქაჯაია, ნუცა მუხურაძე, ნიკოლოზ მაღალაშვილი, ნინი ცინცაძე, ნიცა ინაიშვილი, მიკა გუდაკოვა, ილია ბოლქვაძე, ნიკოლოზ გუდაძე, ანა კეკუტია, კონსტანტინე თორია, გაბრიელ ჯავახაძე, ლუკა ხოჭოლავა, გვანცა შუბითიძე, ლუკა ლაშქარაშვილი, ელენე ერემეიშვილი, ხატია ფირცხალაიშვილი, მეგი ებანოიძე, ელენე კალატოზიშვილი.

სტუდენტების საყურადღებოდ! სამეცნიერო კონფერენცია “ვიზუალური ხელოვნება და რეკლამა”

27-28 ივნისს, 15:00 ზე გეპატიჟებით თბილისის სახელმწიფო სამხატვრო აკადემიის,
მედიახელოვნების ფაკულტეტის მე-3 სტუდენტურ სამეცნიერო კონფერენციაზე – 507 აუდიტორია
ხელმძღვანელი თამარ დარსაველიძე

კრისტინ ვენცელის ორდღიანი სემინარი – “არქიტექტურის მეხსიერება”

კრისტინ ვენცელის ორდღიანი სემინარი – “არქიტექტურის მეხსიერება”, თბილისის აპოლონ ქუთათელაძის სახელობის სახელმწიფო სამხატვრო აკადემიაში.
22-23 ივნისს, თბილისის ქალაქგამოსახულების კვლევის ცენტრი “უბანის” ორგანიზებით და სამხატვრო აკადემიის პარტნიორობით, ჩატარდა კვლევითი სემინარი – “არქიტექტურის მეხსიერება, ტრანსფორმაცია და იდენტობა”.
სემინარს უძღვებოდა Templat-ის თანადამფუძნებელი, არტისტი – კრისტინ ვენცელი. შედგა სტუდენტებთან შეხვედრა, ასევე გაიმართა პრაქტიკული სემინარი, რომლის ფარგლებშიც სტუდენტების მიერ შექმნილი ნამუშევრები, 27 ივნისს გამოიფინება კინოს სახლში

მობილობა სლოვაკეთის, ბრატისლავას სახვითი ხელოვნებისა და დიზაინის აკადემიაში

ERASMUS
29 აპრილი – 3 მაისი, 2024
▫️სლოვაკეთის, ბრატისლავას სახვითი ხელოვნებისა და დიზაინის აკადემიაში – Academy of Fine Arts and Design in Bratislava (AFAD), მობილობით იმყოფებოდნენ თბილისის აპოლონ ქუთათელაძის სახელობის სახელმწიფო სამხატვრო აკადემიის – სახვითი ხელოვნების ფაკულტეტის, გრაფიკის მიმართულების ხელმძღვანელი, თამაზ ვარვარიძე და ამავე მიმართულების სტუდენტები.
მობილობის ფარგლებში, ჩატარდა ლექციები და ვორქშოფი ბრატისლავას აკადემიის, ფერწერის დეპარტამენტის ხელმძღვანელთან, პროფესორ რასტო სედლაჩიკთან ერთად, რომელშიც ჩართული იყვნენ სლოვაკი და ქართველი სტუდენტები. ლექცია მიეძღვნა თანამედროვე ქართული ფერწერას, ხოლო სემინარი – ტიპოგრაფიას. ერთკვირიან გაცვლით პროგრამაში მონაწილეობდნენ სამხატვრო აკადემიის, გრაფიკის მიმართულების სტუდენტები: ბაკა ალავიძე, იულია შარაშენიძე, მარგარიტა ოკუჯავა და ნინო ფიცხელაური.

442435841_861666565999130_4032875766848277296_n

მობილობა თურქეთში, კასტამონუს უნივერსიტეტი

ERASMUS
13-17 მაისს, თურქეთის – კასტამონუს უნივერსიტეტში, ერასმუს თანამშრომლობის ფარგლებში, სტუმრად იმყოფებოდა დიზაინის ფაკულტეტის, მხატვრული კერამიკის მიმართულების ასოცირებული პროფესორი, გიორგი პაჭკორია. პროფესორმა კოლეგებისა და უნივერსიტეტის სტუდენტებისთვის ჩაატარა 5 დღიანი ვორქშოფი

ERASMUS მობილობა ბულგარეთი, ქ. სოფიას ეროვნული აკადემია

13-17 მაისს, თბილისის აპოლონ ქუთათელაძის სახელობის სახელმწიფო სამხატვრო აკადემიის ერასმუს პარტნიორი, ქალაქ სოფიას ეროვნული აკადემიის მოწვევით, ბულგარეთში, მობილობით იმყოფებოდა, სამხატვრო აკადემიის სახვითი ხელოვნების ფაკულტეტის ვიცე-დეკანი, პროფესორი ოთარ ჩაკვეტაძე. მან ჩაატარა ვორქშოფი სტუდენტებისთვის, შეხვდა სოფიის აკადემიის სახვითი ხელოვნების ფაკულტეტის წარმომადგენლებს, გამართა მოლაპარაკებები სამომავლო თანამშრომლობის, ერთობლივი პროექტების, სტუდენტებისა და აკადემიური პერსონალის გაცვლითი ერასმუს მობილობების შესახებ

ძველი ვებ გვერდი

2024 © Made with Infinity