თბილისის აპოლონ ქუთათელაძის სახელობის სახელმწიფო სამხატვრო აკადემიის, სახვითი ხელოვნების ფაკულტეტის სტუდენტებს, გეძლევათ საშუალება, თქვენი ნამუშევრები (პოსტერები) წარადგინოთ გამოფენისთვის, რომელიც გაიმართება გერმანიაში, ქალაქ ბერლინში – Volkssolidarität-ში, 2025 წლის მაისში.
პროექტის სახელწოდებაა “Work Show. Window Project” – “ხელოვნება ფანჯარაში”.
გამოფენის მთავარი მიზანია, სამხატვრო აკადემიის სტუდენტების ნამუშევრების საქართველოს ფარგლებს გარეთ გატანა და პოპულარიზაცია. სწორედ ამიტომ, აღნიშნული გამოფენისთვის შეირჩა ქალაქი ბერლინში, რომელიც თანამედროვე ხელოვნების ერთ-ერთი უმნიშვნელოვანესი ცენტრია, სადაც სტუდენტების ნამუშევრებს ბევრი ცნობილი ხელოვანი, კურატორი თუ ხელოვნებათმცოდნე იხილავს.
▫️პროექტის კურატორია ლილი ფიურსტენოუ-ხოსიტაშვილი, რომელიც DAAD-ის სტიპენდიით, ბერლინის ჰუმბოლტის უნივერსიტეტში, ანსელმ კიფერის შემოქმედებას იკვლევდა. აღნიშნული პროექტი, მისი ხელმძღვანელობით, უკვე 3 წელია იმართება და ის თანამედროვე ხელოვნების ექსპერიმენტული ფორმატით ჩვენებას ისახავს მიზნად: არა ტრადიციულ გალერეაში, არამედ საჯარო სივრცეებში – ნებისმიერი მსურველისთვის.
გამოფენაში მონაწილეობისთვის საჭიროა:
სტუდენტმა, ელექტრონული ფოსტით უნდა გააგზავნოს ერთი ან რამდენიმე ნამუშევრის (პოსტერის) ფოტო, დეტალური აღწერით (კონცეფცია და სხვა ყველა მახასიათებელი დეტალი); შემოსული ნამუშევრებიდან შეირჩევა 40-მდე საუკეთესო პოსტერი, რომელიც ამოიბეჭდება გერმანიაში და გამოიფინება. ნამუშევრებს გამოფენისთვის შეარჩევს სპეციალური ჟიური. არჩეული ნამუშევრები, გამოფენის პარალელურად, დაიდება პროექტის თანმხლებ ვებგვერდზე: www.e-mergingartists.art
გთხოვთ, გაითვალისწინოთ, პოსტერის/პოსტერების ფოტო უნდა გააგზავნოთ მხოლოდ JPG ფორმატში, ხოლო თანდართული ინფორმაცია (ნამუშევრის აღწერა: სათაური/ტექნიკა/ზომები/წელი და ავტორის ბიოგრაფია ან/და CV) DOC ფორმატში, ქართულ, ინგლისურ ან გერმანულ ენაზე, სურვილისამებრ. გთხოვთ ასევე, ბიოგრაფიაში მიუთითეთ ინფორმაცია თქვენს მიერ მოპოვებული სტიპენდიების, ჯილდოს, ხელოვნების რეზიდენციების, პუბლიკაციებისა და გამოფენების შესახებ – ასეთის არსებობის შემთხვევაში. მონაწილე სრულიად თავისუფალია თემატიკაში, მასალასა და ზომებში. ასევე, გაითვალისწინეთ, ერთმა მონაწილემ შესაძლოა წარმოადგინოს ერთი ან რამდენიმე ნამუშევრის ფოტო (სერია)!
მონაწილეებს გთხოვთ, კონკურსისთვის შექმნილი ნამუშევრის/ნამუშევრების ფოტოები JPG ფორმატში, გადააგზავნოთ შემდეგ ელექტრონულ მისამართზე:
liliartresearch@yahoo.com
საკონტაქტო პირი: ანა მიქელაძე
599 222 012
გისურვებთ წარმატებას!
