თბილისის აპოლონ ქუთათელაძის სახელობის სახელმწიფო სამხატვრო აკადემიის თსსა უწყვეტი განათლების ცენტრი-LLL Center და სახვითი ხელოვნების ფაკულტეტი წარმოგიდგენთ საინფორმაციო შეხვედრას – ქანდაკების კურსის შესახებ!
კურსით დაინტერესებულ მსმენელებს, პედაგოგი დავით მაისურაძე გააცნობს კურსის შინაარსსა და მიზნებს. შეხვედრა გაიმართება კითხვა-პასუხის რეჟიმში.
გელოდებით ოთხშაბათს, 7 მაისს 17:00 საათზე;
მისამართი: ალ. გრიბოედოვის N22 – თბილისის აპოლონ ქუთათელაძის სახელობის სახელმწიფო სამხატვრო აკადემიის საგამოფენო დარბაზი (II სართული).
13 მაისს, თბილისის აპოლონ ქუთათელაძის სახელობის სახელმწიფო სამხატვრო აკადემია უმასპინძლებს “IED Istituto Europeo di Design” პროფესორს ტურინიდან, სოციალურ დიზაინერს, Zeno Franchini პრეზენტაციას თემებზე – პოსტინდუსტრიულიდან სოციალურ დიზაინერობამდე.
ფრანკინი გახლავთ POLIMI-სა და Design Academy Eindhoven კურსდამთავრებული. ამჟამად “Marginal Studio”-ს თანადამფუძნებელია. მისი ძირითადი შემოქმედებითი მიმართულებაა ობიექტების შექმნა, ტრადიციების გაცოცხლება და თანამედროვე სოციალური გარემოს პრობლემების მოწესრიგება. ამჟამად თანამშრომლობს პალერმოს სოციალურ ჯგუფებთან – გარემოსდაცვითი ბრძოლისა და ახალბედების ჩართვის საკითხებზე, ქმნის სახელოსნოებს დიზაინის წარმოებისთვის, მიტოვებულ სივრცეებში. Marginal Studio წარმოდგენილია: Triennale Design Museum Milano, La Biennale di Venezia Manifesta Palermo, Design Basel, ADI Design Museum და მრავალ სხვა პლატფორმაზე.
2023 წლის ვენეციის ბიენალეზე, ის ოქროს ლომის მფლობელი გახდა. ასევე, გახლავთ “AFTER Festival diffuso di architettura”-ს თანაკურატორი და “LOTs – Libero osservatorio territoriale sud”-ის დამფუძნებელი. ეს არის არასამთავრობო ორგანიზაცია, რომელიც ფოკუსირებულია რეგენერაციასა და სოციალურ ინოვაციებზე და სიცილიაში ისტორიების თხრობაზე. პალერმოში ფრანკინი თანამშრომლობს სამუშაო სივრცესთან “Scalo 5b”, რომელიც მასპინძლობს სოციალური ინკლუზიის პროექტებს.
შეხვედრის თარიღი და დრო: 13 მაისი, 15:00 საათი
მისამართი: ალ. გრიბოედოვის N 22, სამხატვრო აკადემია, აუდიტორია N906
29 აპრილი, 2025 წელი
თბილისის აპოლონ ქუთათელაძის სახელობის სახელმწიფო სამხატვრო აკადემიაში, გაიმართა ხელოვნებათმცოდნეობის დოქტორის, პროფესორის – იზოლდა მელიქიშვილის ლექცია – “ძველი საეკლესიო ნაქარგობა”.
ლინცის კათოლიკური უნივერსიტეტის პროფესორი, ხელოვნებათმცოდნე და ფილოსოფოსი მონიკა ლაიშლ-კისლი, 28 აპრილიდან 3 მაისის ჩათვლით, ერასმუს მობილობის ფარგლებში, სამხატვრო აკადემიაში იმყოფება. ის ჩაატარებს თემატურ ლექციებსა და სემინარებს – გენდერული კვლევების, სემიოტიკის და ესთეტიკის საკითხების შესახებ.
პროფესორი ლაიშლ-კისლი 28, 29, და 30 აპრილს 17:00 საათზე ჩაატარებს ლექციებს, ხოლო 2 მაისს გამართავს საჯარო ლექციას – სამხატვრო აკადემიის სტუდენტებისთვის.
24 აპრილი, 2025
თბილისის აპოლონ ქუთათელაძის სახელობის სახელმწიფო სამხატვრო აკადემიის საგამოფენო დარბაზში, ეკატერინე გეგუჩაძის პერსონალური გამოფენა გაიხსნა. ნამუშევრებში გამოყენებულია სხვადასხვა მასალა და ტექნიკა – თექა, აბრეშუმი, აბრეშმის ქაღალდი და სხვა
ლიხტენშტეინის უნივერსიტეტის – არქიტექტურის ფაკულტეტის დეკანის, RIBA აკრედიტაციის ბორდის წევრის, შენობა-ნაგებობების მემკვიდრეობის ექსპერტის, პროფესორ დენიელ შტოკჰამერის ვიზიტი სამხატვრო აკადემიაში.
2025 წლის 22 აპრილს, სტუმარი შეხვდა თბილისის აპოლონ ქუთათელაძის სახელობის სახელმწიფო სამხატვრო აკადემიის რექტორს, ვიცე-რექტორს და საერთაშორისო ურთიერთობების განყოფილების წარმომადგენლებს. 23 აპრილს – საპრეზენტაციო მოხსენება სტუდენტებისთვის.
2025 წლის 22-26 აპრილს, ერასმუს პარტნიორობის ფარგლებში, თბილისის აპოლონ ქუთათელაძის სახელობის სახელმწიფო სამხატვრო აკადემიის – არქიტექტურის ფაკულტეტს, ეწვევა ლიხტენშტეინის უნივერსიტეტის არქიტეტუქრის ფაკულტეტის დეკანი, RIBA აკრედიტაციის ბორდის წევრი, შენობა-ნაგებობების მემკვიდრეობის ექსპერტი, პროფესორი დენიელ შტოკჰამერი.
