მენიუ
  2. |
  3. საერთაშორისო
  4. |
  5. ერასმუს+/გაცვლითი პროგრამები

მილანის პოლიტექნიკური ინსტიტუტის დელეგაცია აკადემიაში

1-8 ივლისს, ERASMUS+ პროგრამის ფარგლებში, თბილისის აპოლონ ქუთათელაძის სახელობის სახელმწიფო სამხატვრო აკადემიას, ეწვია ერასმუს პარტნიორი – იტალიის, ქალაქ მილანის პოლიტექნიკური ინსტიტუტის პროფესორი ერმეს ინვერნიცი (Ermes Invernizzi), ცნობილი რესტავრატორი, სილვიო კალვი (Silvio Calvi) და პროფესორი ელეონორა ბერსანი (Eleonora Bersani) – თანამშრომლობის ინიციატორი და მხარდამჭერი.
ვიზიტი დაიგეგმა, როგორც მილანის პოლიტექნიკურ ინსტიტუტთან მრავალწლიანი, წარმატებული, აკადემიური პერსონალის და რესტავრაციის და არქიტექტურის მიმართულებების სტუდენტების ერთ-სემესტრიანი გაცვლითი მობილობების შემდეგი და ახალი კვლევითი ეტაპი თემაზე – “თბილისსა და მილანში არსებული Art Nouveau-ს ნაგებობების კვლევა და შედარებითი ანალიზი”.
ვიზიტი ასევე მოიცავდა: შეხვედრას სამხატვრო აკადემიის რექტორთან და საერთაშორისო სამსახურთან, იტალიელი და ქართველი პროფესორების გასვლით კვლევით სესიას თბილისში art nouveau-ს ნაგებობების შესწავლის მიზნით, ასევე კვლევით ვიზიტს კულტურული მემკვიდრეობის ძეგლებზე ქალაქ სიღნაღში, პროფესორ Ermes Invernizzi-ის ლექციას თემაზე “არქიტექტურული დიზაინი – მილანის სკოლა” – ხელოვნების ისტორიისა და არქიტექტურის სტუდენტებისთვის, არქიტექტურის ისტორიის პროფესიონალებისთვის; ასევე, სამუშაო შეხვედრას/მრგვალ მაგიდას მილანის პოლიტექნიკური ინსტიტუტის დოქტორანტის Duccio Fantoni-ის ჩართულობით, რომელიც 3 თვიან ერასმუს მობილობას გაივლის თსსა რესტავრაციის, ხელოვნების ისტორიისა და თეორიის ფაკულტეტზე (აგვისტო- ოქტომბერი, 2024) – დისერტაციის თემა “თბილისური ეზოები”. იტალიელი პროფესორის Ermes Invernizzi-ის ლექციას დაესწრო იტალიის საელჩოს მისიის ხელმძღვანელი Fabiola Albanese.

სტუდენტების საყურადღებოდ! ლექცია “არქიტექტურული დიზაინი და მეხსიერება: მილანის სკოლა”

8 ივლისს, 17:00 საათზე – თბილისის აპოლონ ქუთათელაძის სახელობის სახელმწიფო სამხატვრო აკადემიის სარკეებიანი დარბაზების საბიბლიოთეკო სივრცეში, გაიმართება სამხატვრო აკადემიის ერასმუს პარტნიორის – მილანის პოლიტექნიკური ინსტიტუტის, არქიტექტურის პროფესორის – Ermes Invernizzi ლექცია თემაზე “არქიტექტურული დიზაინი და მეხსიერება: მილანის სკოლა”.
(Architectural design and memory: about the “Scuola di Milano”)

Erasmus+-ის ეროვნული ოფისის წარმომადგენლების შეხვედრა სტუდენტებთან

25 ივნისი, 2024
▫️თბილისის აპოლონ ქუთათელაძის სახელობის სახელმწიფო სამხატვრო აკადემიაში, Erasmus+-ის ეროვნულმა ოფისმა გამართა შეხვედრა სტუდენტებთან. შეხვედრაზე განხილულ იქნა ყველა ის შესაძლებლობა, რომელიც ხელმისაწვდომია სტუდენტებისთვის და ახალგაზრდებისთვის – Erasmus+-ის კრედიტების მობილობის პროგრამით და Erasmus Mundus-ის ერთობლივი სამაგისტრო პროგრამით

აღმოაჩინეთ Erasmus+ მობილობის და Erasmus Mundus-ის შესაძლებლობები!

გსურთ გაიფართოოთ ჰორიზონტი და გაამდიდროთ თქვენი აკადემიური ცხოვრება? Erasmus+-ის ეროვნული ოფისი საქართველოში გიწვევთ ღონისძიებაზე, რომელზეც განხილული იქნება ყველა ის შესაძლებლობა, რომელიც ხელმისაწვდომია სტუდენტებისთვის და ახალგაზრდებისთვის Erasmus+-ის კრედიტების მობილობის პროგრამით და Erasmus Mundus-ის ერთობლივი სამაგისტრო პროგრამით.

დეტალები:

თარიღი: 25 ივნისი, 2024
დრო: 11:00 – 13:00
სამიზნე ჯგუფი: სტუდენტები და ახალგაზრდები
ლოკაცია: თბილისის სამხატვრო აკადემია

რატომ უნდა დაესწროთ ღონისძიებას?

Erasmus+-ის მობილობა: გაეცანით მრავალფეროვან გაცვლით პროგრამებს. ამ პროგრამების საშუალებით გექნებათ საშუალება საზღვარგარეთ ისწავლოთ,მიიღოთ მონაწილეობა ტრენინგებში და გაამდიდროთ თქვენი გამოცდილება.
Erasmus Mundus: გაიგებთ, თუ როგორ შეგიძლიათ მიიღოთ მონაწილეობა საერთაშორისოდ აღიარებულ ერთობლივ მაგისტრატურის პროგრამაში, Erasmus Mundus-ში.
რჩევები განაცხადის დაწერასთან დაკავშირებით: მიიღეთ დეტალური რჩევები შენატანის გაკეთებასთან (მათ შორის შერჩევის კრიტერიუმებთან), დოკუმენტაციის შეგროვებასთან და მნიშვნელოვან დედლაინებთან დაკავშირებით.
მოუსმენთ Erasmus+-ის პროგრამის კურსდამთავრებულებს: მიიღეთ ღირებული რჩევები სტუდენტებისგან, რომლებმაც წარმატებით მიიღეს მონაწილეობა Erasmus+-ის მობილობებში და Erasmus Mundus-ში.
ინტერაქტიული კითხვა-პასუხი: მიიღეთ პასუხები Erasmus+-ის კოორდინატორისა და გამოცდილი კურსდამთავრებულებისგან.
ნეთვორქინგი: გაიცანით თანატოლები, რომლებიც თქვენსავით დაინტერესებულნი არიან საზღვარგარეთ სწავლით.

გთხოვთ დარეგისტრირდეთ ღონისძიებაზე სარეგისტრაციო ფორმის შევსებით. ღონისძიებაზე დამსწრეთა რაოდენობა შეზღუდულია!

სარეგისტრაციო ბმული

აკადემიური პერსონალის ერასმუს მობილობა მილანის პოლიტექნიკურ ინსტიტუტში

27-31 მაისი, თსსა რესტავრაციის, ხელოვნების ისტორიისა და თეორიის ფაკულტეტის პროფესორის მაია მანიას მობილობა თსსა ერასმუს პარტნიორ, იტალიის მილანის პოლიტექნიკურ ინსტიტუტში. ლექციის თემა ‘art nouveau-ის ნაგებობების კვლევა და შედარებითი ანალიზი მილანსა და თბილისში’

447779425_869327231899730_9079254117007448676_n

სტუდენტების საყურადღებოდ!

18 ივნისს, 11:00-13:00 სთ, თბილისის აპოლონ ქუთათელაძის სახელობის სახელმწიფო სამხატვრო აკადემიის ეზოში, გელოდებით Erasmus+ ეროვნული ოფისის გაფართოებულ, საინფორმაციო შეხვედრაზე.

მობილობა სლოვაკეთის, ბრატისლავას სახვითი ხელოვნებისა და დიზაინის აკადემიაში

ERASMUS
29 აპრილი – 3 მაისი, 2024
▫️სლოვაკეთის, ბრატისლავას სახვითი ხელოვნებისა და დიზაინის აკადემიაში – Academy of Fine Arts and Design in Bratislava (AFAD), მობილობით იმყოფებოდნენ თბილისის აპოლონ ქუთათელაძის სახელობის სახელმწიფო სამხატვრო აკადემიის – სახვითი ხელოვნების ფაკულტეტის, გრაფიკის მიმართულების ხელმძღვანელი, თამაზ ვარვარიძე და ამავე მიმართულების სტუდენტები.
მობილობის ფარგლებში, ჩატარდა ლექციები და ვორქშოფი ბრატისლავას აკადემიის, ფერწერის დეპარტამენტის ხელმძღვანელთან, პროფესორ რასტო სედლაჩიკთან ერთად, რომელშიც ჩართული იყვნენ სლოვაკი და ქართველი სტუდენტები. ლექცია მიეძღვნა თანამედროვე ქართული ფერწერას, ხოლო სემინარი – ტიპოგრაფიას. ერთკვირიან გაცვლით პროგრამაში მონაწილეობდნენ სამხატვრო აკადემიის, გრაფიკის მიმართულების სტუდენტები: ბაკა ალავიძე, იულია შარაშენიძე, მარგარიტა ოკუჯავა და ნინო ფიცხელაური.

მობილობა Paul Valéry University Montpellier 3 – ში

თბილისის აპოლონ ქუთათელაძის სახელობის სახელმწიფო სამხატვრო აკადემიის – საერთაშორისო ურთიერთობების სამსახურის უფროსი და ერასმუსის ინსტიტუციური კოორდინატორი, მაია ყიფიანი, ერასმუსის პროგრამის ფარგლებში, მიწვევით იმყოფებოდა სამხატვრო აკადემიის ახალ ერასმუს პარტნიორთან, საფრანგეთის – მონპელიეს Paul Valéry University Montpellier 3 უნივერსიტეტის საერთაშორისო სამსახურების კვირეულზე.
ტრენინგის პარალელურად, განხილულ იქნა თანამშრომლობის ახალი პერსპექტივები კინოს მხატვრობის მიმართულებით: ICM, BIP და სხვა მასშტაბური კოლაბორაციული პროექტები, სტუდენტების მობილობები და უცხოელი სტუდენტების მიღებასთან დაკავშირებული გამოწვევები. შედგა ასევე კინოსა და თეატრის მიმართულებებისა და კამპუსების გაცნობითი ვიზიტები, შეხვედრები აკადემიურ პერსონალთან და სხვა.

მობილობა ლიხტენშტეინის უნივერსიტეტში

13-17 მაისი, 2024 – მობილობა ლიხტენშტეინის უნივერსიტეტში.
2017 წლიდან დღემდე, თბილისის აპოლონ ქუთათელაძის სახელობის სახელმწიფო სამხატვრო აკადემიის – არქიტექტურის ფაკულტეტსა და ლიხტენშტეინის უნივერსიტეტის არქიტექტურის დეპარტამენტს შორის, წარმატებული და ნაყოფიერი თანამშრომლობის ფარგლებში, სტუდენტთა ერასმუს მობილობა უწყვეტად მიმდინარეობს. 13-17 მაისს, ლიხტენშტეინში, სამხატვრო აკადემიის საერთაშორისო დეპარტამენტის წარმომადგენელი, ნესტან წიკლაური იმყოფებოდა.
წლების განმავლობაში, გაცვლით პროგრამებში მონაწილე, სამხატვრო აკადემიის სტუდენტებმა, საერთაშორისო ასპარეზზე საუკეთესო შედეგები აჩვენეს. არქიტექტურის ფაკულტეტის კოორდინატორი, ლიხტენშტეინის უნივერსიტეტის საბაკალავრო და სამაგისტრო პროგრამებისათვის მიმდინარე RIBA-ს აკრედიტაციების მოსამზადებელ პროცესებში, პრაქტიკული კუთხით გახლდათ ჩართული. ვიზიტის ფარგლებში, გაიმართა შეხვედრები უნივერსიტეტის რექტორსა და ფაკულტეტის დეკანთან, ასევე გაცვლით პროგრამებში მონაწილე სტუდენტთა ინტერკულტურულ ჯგუფთან. განხილულ იქნა, სხვადასხვა მიმართულებით არსებული შესაძლებლობები და პრიორიტეტები. ერასმუს კვირეულის ფარგლებში, დაიგეგმა სამომავლო პროექტები პარტნიორ უნივერსიტეტებს შორის.

ბელგიის, ქალაქ ანტვერპენის ხელოვნების უმაღლესი სკოლის წარმომადგენლების ვიზიტი. მედიახელოვნების ფაკულტეტი

ERASMUS
ქალაქ ანტვერპენის – ხელოვნების უმაღლესი სკოლის წარმომადგენლები, კურტ ვანბელეგემი და ლაურა ბრასპენინგი, 23 მაისს შეხვდნენ ასევე, თბილისის აპოლონ ქუთათელაძის სახელობის სახელმწიფო სამხატვრო აკადემიის – მედია ხელოვნების ფაკულტეტის დეკანს, პედაგოგებსა და სტუდენტებს

ძველი ვებ გვერდი

2024 © Made with Infinity