ENG

ზალცბურგის უნივერსიტეტის ახალი შეთავაზება- სტუდენტის ნომინირება ERNST MACH-ის სტიპენდიაზე  

ავსტრიის ზალცბურგის უნივერსიტეტის შეთავაება ეფუძნება თსს აკადემიასთან არსებულ წარმატებულ თანამშრომლობას ერასმუს+ პროგრამის ფარგლებში.  

პირველ ეტაპზე, დაინტერესებულმა სტუდენტებმა უნდა გაიარონ შიდა - საფაკულტეტო შერჩევა. თსსა შესაბამისი ფაკულტეტის მიერ ნომინირებულმა სტუდენტმა მონაწილეობა უნდა მიიღოს საყოველთაო კონკურსში ანუ კონკურენტები იქნებიან აპლიკანტები მთელი მსოფლიოდან, თუმცა მოცემულ სტუდენტს ექნება გარკვეული უპირატესობა, რადგან წარდგენილი იქნება ზალცბურგის უნივერსიტეტის პარტნიორი ინსტიტუტის- თსსა მხრიდან. ზალცბურგში ოფიციალური ნომინაციის გაგზავნის  და  მიღებული დასტურის შემდეგ, სტუდენტს ექნება უფლება დაიწყოს სააპლიკაციო პროცესი.
კონკურსში მონაწილეობა შეუძლიათ  პროდუქტის დიზაინის, ავეჯის დიზაინის, მედია ხელოვნების, როგორც  საბაკალავრო, ასევე სამაგისტრო საფეხურის სტუდენტებს. 

გთხოვთ იხილოთ დეტალური ინფორმაცია მეორე გვერდზე (დააწკაპუნეთ სათაურზე) 

ა.წ. 17-18 ოქტომბერს, მაროკოში, მარაკეშში იმართება კონფერენცია ‘ერასმუს  სამეცნიერო დღეები 2022’, სადაც წარდგენილი იყო და გამარჯვება მოიპოვა თსსა -ესპანეთის, პალმას ხელოვნების და დიზაინის  უმაღლესი სკოლის ‘Escola d'Art i Superior de Disseny de les Illes Balears’ ერთობლივმა პროექტმა. 
კონფერენციაზე წარდგენილი იქნება  მოხსენება 'საქართველოდან ესპანეთამდე, იბერიული კავშირები  ექვს  Erasmus+ KA107 პროექტში - სასწავლო გამოცდილების გაზიარება დიზაინის მიმართულებით, სოციალური ინოვაციისთვის', რომელიც ეფუძნება 2021 წელს, თსს აკადემიაში და პალმაში ჩატარებულ, ქართველი და ესპანელი პოფესორების 6 გაცვლითი ვორქშოფის მასალას.  
თსსა ვორქშოფებს, თემაზე 'თეთრი ქრონოტოპი - სხვადასხვა მედიის გამოყენებით' (რომელიც მიეძღვნა შშმ პირების ჩართულობას სახელოვნებო აქტივობებში),   უძღვებოდნენ  თსსა პროფესორები და პედაგოგები - ქეთევან მატაბელი, ნინო მგალობლიშვილი, თამუნა მალაზონია. ესპანელმა პროფესორებმა კი ჩაატარეს შემდეგი ვორქშოფები:  Jordi Miquel SEMPERE ‘‘Lettering For Society’’ (გრაფიკა ), Miquel MUNTANER ESTARELLAS ‘Collaborative Open Source Animation ’ (ანიმაცია), Maria del Pilar ROVIRA SERRANO ‘Inclusive Fashion Design’ (მოდის დიზაინი შშმ პირებისთვის).

აპოლონ ქუთათელაძის სახელობის თბილისის სახელმწიფო სამხატვრო აკადემიას, გაცნობითი ხასიათის შეხვედრით სტუმრობდნენ: გერმანიის, საქსონია- ანჰალტის სახელმწიფო პარლამენტის თავმჯდომარე, გერმანიის ძეგლთა დაცვის ეროვნული კომიტეტის თავმჯდომარე - ბატონი გუნარ შელენბერგერი, გერმანიის ფედერაციული რესპუბლიკის ელჩი საქართველოში, ბატონი პეტერ ფიშერი და მისიის ხელმძღვანელის მოადგილე გერმანიის ფედერაციული რესპუბლიკის საელჩოში, ქალბატონი ტანია ჰუტი.
მაღალი რანგის სტუმრებს უმასპინძლა სამხატვრო აკადემიის რექტორმა, ბატონმა გია გუგუშვილმა. დელეგაციამ დაათვალიერა სამხატვრო აკადემიის რეაბილიტირებული, ისტორიული შენობა და ლაბორატორია "ლურჯი სუფრა". შეხვედრაზე მხარეებმა ისაუბრეს სამომავლო თანამშრომლობის პერსპექტივებსა და გეგმებზე.