სიახლეები » გვერდი 12 » თბილისის სამხატვრო აკადემიის პორტალი

კულტურის საერთაშორისო ფესტივალ „ევროპალიის“ ფარგლებში, საქართველოს საფესტივალო პროგრამის პრეზენტაცია გაიმართა.

ბელგიაში, ქალაქ ბრიუსელში, კულტურის საერთაშორისო ფესტივალ „ევროპალიის“ ფარგლებში, საქართველოს საფესტივალო პროგრამის პრეზენტაცია გაიმართა.

საქართველო სტუმარი ქვეყნის სტატუსით წელს პირველად მონაწილეობს „ევროპალიაში“. „ევროპალია“ 2023 წლის ოქტომბრიდან 2024 წლის თებერვლამდე გაგრძელდება და ღონისძიებები ბელგიასა და ევროპის სხვადასხვა ქვეყანაში ჩატარდება.

https://www.facebook.com/MinistryofCultureSportandYouth/videos/645924967388375

ბრატისლავას აკადემიის პროფესორების ვიზიტი სამხატვრო აკადემიაში

2023 წლის 21-26 მაისს - თბილისის აპოლონ ქუთათელაძის სახელობის სახელმწიფო სამხატვრო აკადემიაში, სამხატვრო აკადემიასა და სლოვაკეთის, ქ. ბრატისლავას სახვითი ხელოვნების და დიზაინის აკადემიას შორის გაფორმებული ერასმუს ინსტიტუციური ხელშეკრულების ფარგლებში, განხორციელდა ბრატისლავას აკადემიის პროფესორების ვიზიტი.

სამხატვრო აკადემიის პროფესორების მობილობა - ბრატისლავაში

თბილისის აპოლონ ქუთათელაძის სახელობის სახელმწიფო სამხატვრო აკადემიის პროფესორების მობილობა - ბრატისლავას სახვითი ხელოვნების და დიზაინის აკადემიაში - AFAD

ცნობილი ამერიკელი მხატვრის მაკარტურ ბინიონის ვორქშოფი

16 მაისს, თბილისის აპოლონ ქუთათელაძის სახელობის სახელმწიფო სამხატვრო აკადემიას ესტუმრა და სტუდენტებისთვის ვორქშოფი ჩაატარა ცნობილმა ამერიკელმა მხატვარმა - მაკარტურ ბინიონიმ, რომელიც ამჟამად ცხოვრობს და მუშაობს ჩიკაგოში. დეტროიტის სახელმწიფო უნივერსიტეტის დამთავრების შემდეგ, მან სწავლა განაგრძო კრენბრუკის სამხატვრო აკადემიაში, ფერწერის განხრით. მისი სადიპლომო ნამუშევარი შესულია ნიუიორკის - უიტნის მუზეუმის კოლექციაში. 2017 წელს, მხატვრის ნამუშევარი „დ.ნ.მ.-ი, შავი ფერწერა V.“ გახდა ვენეციის ბიენალეს ჰაილაითი. არტისტს დღეს წარმოადგენენ მსოფლიოში განთქმული გალერეები: „ლეჰმან მაფენი (Lehmann Maupin)“ ნიუ-იორკში და ჰონგ კონგში, და „მასსიმო დე კარლო (Massimo de Carlo)“ მილანში და ლონდონში. მისი ნამუშევრები წარმოდგენილია ასევე ბოლო წლების ყველა დიდ არტ-ბაზარზე: „არტ ბაზელი (Art Basel)“ და „ფრიზი ლონდონი (Frieze London). ბინიონის პირველი დიდი სამუზეუმო სოლო გამოფენა გაიხსნა 2021 წელს, ფლორენციის „ნოვოჩენტო მუზეუმში - Museo Novecento“, სადაც ექსპოზიციის ერთ-ერთი ნაწილი გახლდათ ფილმი მისი ბოლო წლების შემოქმედების შესახებ - „ენადაბმული: ვდგავარ: გავშეშდი: (მომდევნო აზრები)“, რეჟ. მარიკა მაიოროვა. აღნიშნული ფილმი ქართული თარგმანით, 2023 წლის 19 მაისს ნაჩვენები იქნება კინოთეატრ „ამირანში“.

კონკურსში გამარჯვებული სტუდენტები

თბილისის აპოლონ ქუთათელაძის სახელობის სახელმწიფო სამხატვრო აკადემიის - სახვითი ხელოვნების ფაკულტეტის, ფერწერის მიმართულების lV კურსის სტუდენტებმა: ნინო გოგოლიძემ და მარიამ ელიავამ გაიმარჯვეს კონკურსში და 2023 წლის ივლისში მიემგზავრებიან გერმანიაში, დრეზდენის საერთაშორისო პლენერზე მონაწილეობის მისაღებად, სადაც ისინი გერმანელ მხატვრებთან ერთად შექმნიან ფერწერულ ტილოებს, ჩაერთვებიან სხვადასხვა სახელოვნებო აქტივობასა და გამოფენაში Fama.Synchron. პროექტის დასასრულს კი, წარსდგებიან "კანალეტოს" კონკურსზე - დრეზდენის საერთაშორისო სახელოვნებო ფესტივალის Palais Sommer ფარგლებში. 

Palais Sommer კულტურულ-საგანმანათლებლო ფესტივალია, რომლის უმთავრესი კომპონენტია საერთაშორისო პლენერი, რომელიც დაფუძნებულია გერმანიაში მოღვაწე ქართველი მხატვრის, თბილისის აპოლონ ქუთათელაძის სახელობის სახელმწიფო სამხატვრო აკადემიის საპატიო პროფესორის, ალექსანდრე-ალეკო ადამიას (1962-2019) მიერ და რომლის ინიციატივითაც პლენერში, 2013 წლიდან სამხატვრო აკადემიის სტუდენტები არიან ჩართულნი.

ვულოცავთ ჩვენს სტუდენტებს, მარიამს და ნინოს ამ წარმატებას!

წინა 1 ... 8 9 10 11 12 13 14 15 16 ... 88 შემდეგი