ENG

სალომე ქობულაშვილის საგამოფენო პროექტი: “დაბრუნება სახლში“

16 / 05 / 2022

სალომე ქობულაშვილის საგამოფენო პროექტი: “დაბრუნება სახლში“ ერთგვარად წინაპართა ესთეტიური ხედვის, მათი ემპირიული გამოცდილების გაცოცხლებაა. ავტორის მხატვრული ინტუიციის წყალობით ხერხდება 120 წლის ქობულაშვილების სასახლის ისტორიულ წარსულთან სახელოვნებო კომუნიკაცია. სწორედ ეს არის მისი შემოქმედებითი ინსპირაციის წყარო, რაც საოცარ მხატვრულ ალუზიებად ტრანსფორმირდება. ტრანსფორმაციის ძირითადი საყრდენი კი ავტორის მიერ განსხვავებული ფაქტურების მოძიების, მათი ერთ მთლიანობად წარმოსახვის ინტუიციური უნარია.
ამდენად ფაქტურების მრავალფეროვნება, თითოეულ ნამუშევარში სხვადასხვა ფაქტურის იუველირული სიფაქიზით შერწყმა, მათი ორგანული თანაარსებობა, პლასტიური ორნამენტები, სალომე ქობულაშვილის შემოქმედების მახასიათებლად, თავისებურ სავიზიტო ბარათად იქცა. ხოლო ამ საოცარ ფორმებს, ხელოვნების ნიმუშად ავტორის იუველირული ოსტატობა, მაღალი "ხელოსნობა“ აქცევს.
გამოფენა ეძღვნება თბილისის აპოლონ ქუთათელაძის სახელმწიფო სამხატვრო აკადემიის 100 წლის თავს.
გამოფენის კურატორი: ნინო გუჯაბიძე
თანაკურატორი: ნატალია ნიქაცაძე
გამოფენის დიზაინი: ვატო ხოშტარია 

გამოფენის გახსნა: 20 აპრილი, 18:00 საათზე

წიგნის კონსერვაციის ვორქშოფი. პროფესორების მობილობა ტარტუდან(ესტონეთი)

20 / 04 / 2022

2022 წლის 11-14 აპრილს, თბილისის სახელმწიფო სამხატვრო აკადემიის ორგანიზებით, რესტავრაციის, ხელოვნების ისტორიისა და თეორიის ფაკულტეტის სტუდენტებისთვის გაიმართა პალასის (ტარტუ, ესტონეთი) გამოყენებითი მეცნიერებების უნივერსიტეტის ტყავისა და კონსერვაციის დეპარტამენტის (https://pallasart.ee/en/) ხელმძღვანელის, ბატონი RenéHaljasmäe ლექციებისა და ვორქშოფების სერია. მან  სტუდენტებსა და კოლეგებს გააცნო ესტონეთში წიგნისა და ქაღალდის კონსერვაციის ისტორია და მეთოდოლოგია, ასევე ბიბლიოთეკებსა და არქივებში წიგნის კონსერვაციის თანამედროვე მიდგომები და გამოწვევები.

13-14 აპრილი, 2022 - ვორქშოფი არქიტექტურის ფაკულტეტის სტუდენტებისათვის

17 / 04 / 2022

13-14 აპრილი, 2022 - თბილისის სახელმწიფო სამხატვრო აკადემია
არქიტექტურის ფაკულტეტის სტუდენტებისათვის გაიმართა ვორქშოფი ერასმუს+ პროგრამის ფარგლებში.
კასტელოს ხელოვნების უმაღლესი სკოლის - Escola d'Art i Superior de Disseny de Castelló  ინტერიერის დიზაინის მიმართულების პროფესორმა - Mirentxu Sardina-მ გამართა სემინარი და ვორქშოფი. მონაწილე სტუდენტებს გადაეცათ ერასმუს სერიფიკატები.
ვორქშოფის თემა იყო - The feelings  neighborhood, რის მიხედვითაც შეიქმნა კონცეპტუალური მრავალსართულიანი სახლი. თითოეული ნაწილი (Box) განსაზღვრავდა გრძნობასა და განწყობას - სხვადასხვა სიტყვის მეშვეობით.
სამხატვრო აკადემიის სტუდენტებმა გამოიჩინეს კრეატიულობა და შექმნეს ძალიან საინტერესო ფორმის და შინაარსის იმიტირებული მრავალსართულიანი მაკეტი.

ზალცბურგის უნივერსიტეტის პროფესორებისა და სტუდენტების ვორქშოფების სერია, ერასმუს+

13 / 04 / 2022

26-29 აპრილს თსსა დიზაინის ფაკულტეტს ეწვევა თსსა ერასმუს პარტნიორი, ზალცბურგის უნივერსიტეტის, სამრეწველო დიზაინის მიმართულების, 31 სტუდენტისა და 3 პროფესორისგან შემდგარი ჯგუფი, მათ შორისაა ზალცბურგის უნივერსიტეტის ავეჯის დიზაინის, მოდელირებისა და ვიზუალიზაციის დეპარტამენტის უფროსი, პროფესორი  Marcus Schranzer და საერთაშორისო სამსახურის, ICM და პერსონალის მობილობის და ასევე ფულბრაიტის პროგრამის კოორდინატორი   Christine Heis, რომლებთანაც იგეგმება მოლაპარაკება  სამომავლო თანამშრომლობის გაფართოების შესახებ ახალი ერასმუს პროგრამის ფარგლებში.