ENG


23 დეკემბერს, გობელინისა და მხატვრული ტექსტილის მუზეუმში გეპატიჟებით ნინცი ძიძიკაშვილის საშობაო გამოფენაზე.

23 დეკემბერს, გობელინისა და მხატვრული ტექსტილის მუზეუმში გეპატიჟებით ნინცი ძიძიკაშვილის საშობაო გამოფენაზე. ექსპოზიციაზე წარმოდგენილი იქნება ბოლო 6 წლის მანძილზე, აბრეშუმის ქაღალდის ტექნიკით შექმნილი, 50-მდე მინიატურული ნამუშევარი. მინიატურებში, სინთეზურადაა გამოყენებული სხვადასხვა ტექნიკა: კოლაჟი, ტექსტილი, გრაფიკული თუ ფერწერული ელემენტები. ნამუშევრების თემატიკაა რელიგიური, ყოფითი, ალეგორიული. ასევე, სტილიზებული, დეკორატიული სახით წარმოდგენილი პეიზაჟები. გამოფენა გაგრძელდება 25 დეკემბრის ჩათვლით.

გახსნა: 23 დეკემბერი, 18:00 საათზე
მისამართი: შარდენის N19 - გობელინისა და მხატვრული ტექსტილის მუზეუმი 
   
 


ქალაქ ანტვერპენში, Eristavi Gallery-ში, აპოლონ ქუთათელაძის სახელობის თბილისის სახელმწიფო სამხატვრო აკადემიის მოწვეული პედაგოგის, მარიამ შაქარაშვილის კურატორობით გაიხსნა ახალი თაობის წარმომადგენელი ქართველი მხატვრის, სამხატვრო აკადემიის სტუდენტის - ქართლოს ბიკაშვილის სოლო გამოფენა - "ცხვრები, ადამიანები და სხვა ცხოველები".
გამოფენას სტუმრობდნენ: ბელგიის სამეფოსა და ლუქსემბურგის დიდ საჰერცოგოში საქართველოს ელჩი, ბატონი ვახტანგ მახარობლიშვილი, ბოზარის (Bozar) მრჩეველი კულტურის სფეროს საერთაშორისო თანამშრომლობის დარგში - ქალბატონი რიტა იანსენი, არტ კრიტიკოსები, ქართველი და ბელგიელი ხელოვანები და ადგილობრივი პუბლიკა. ექსპოზიცია 25 იანვრამდე გაგრძელდება.
   
 



9 დეკემბერს, 16:00 საათზე, აპოლონ ქუთათელაძის სახელობის თბილისის სახელმწიფო სამხატვრო აკადემიის საგამოფენო დარბაზში, გაიხსნა თანამედროვე ქართული ვიზუალური ხელოვნების მულტიმედიური გამოფენა - „რამ შემქმნა ადამიანად?“
გამოფენის მხარდამჭერები: ევროკავშირი (EU) და გაეროს განვითარების პროგრამა (UNDP) - ადამიანის უფლებების კვირეულის ფარგლებში.
გამოფენის კურატორი - ხათუნა ხაბულიანი, ხელოვნებათმცოდნე
მონაწილეები: მანუჩარ ოქროსცვარიძე, თამუნა მელიქიშვილი, ტატო ახალკაციშვილი, თედო რეხვიაშვილი, თამარ ხმიადაშვილი, არჩიბალდ კორძაია, დავით კუხალაშვილი, დავით ალექსიძე, ავთო გახოკიძე, კოტე ჯინჭარაძე, გიორგი მახარაშვილი, ანკა გუჯაბიძე, გიორგი გეთიაშვილი, გიორგი სისაური, ლია შველიძე, მურთაზ შველიძე, გურამ წიბახაშვილი, ერეკლე გეწაძე, გეგა ქუთათელი, კოტე სულაბერიძე. ასევე, სთრით არტისტების ნამუშევრების კოლექციის ვიდეო პროექცია.