ENG

პროექტი - "უსაზღვრო შემოქმედებითი სივრცეები". ბორჯომი

21 / 06 / 2023

თბილისის აპოლონ ქუთათელაძის სახელობის სახელმწიფო სამხატვრო აკადემია, საქართველოს კულტურის, სპორტისა და ახალგაზრდობის სამინისტროს მხარდაჭერით ახორციელებს პროექტს - "უსაზღვრო შემოქმედებითი სივრცეები". მედია ხელოვნების ფაკულტეტის დეკანი, პროფესორი ნანა იაშვილი, სახვითი ხელოვნებისა და დიზაინის ფაკულტეტების პედაგოგები: პროფესორი მანანა ძიძიკაშვილი და დავით სილაგაძე და 6 სტუდენტი: მარიტა ხარაძე, ნინო გოგოლიძე, ეკა საპანაძე, მარი ელიავა, მარიამ ხოსროშვილი და რატი წიკლაური, ბორჯომის ბავშვთა და ახალგაზრდების განათლებისა და განვითარების ცენტრში - ბორჯომის მუნიციპალიტეტის საჯარო სკოლების მოსწავლეებს შეხვდნენ და სამხატვრო აკადემიის სასწავლო-შემოქმედებითი საქმიანობა გაცნეს. ასევე, მოსწავლეებს გადასცეს სახვითი ხელოვნების ნამუშევრების შექმნისთვის საჭირო მასალები და ჩაატარეს მასტერკლასები. სტუდენტებისა და მოსწავლეების ერთობლივი თემატური ჯგუფების საქმიანობა გრძელდება დისტანციურად. პროფესორმა მაია იზორიამ წარმოადგინა პრეზენტაცია სამხატვრო აკადემიის შესახებ. შეხვედრაში მონაწილეობდნენ ცენტრის დირექტორი, ქეთევან ნოზაძე და საქართველოს კულტურის აკადემიის აღმასრულებელი დირექტორი, დენის ნესტერენკო.

პროექტი - "უსაზღვრო შემოქმედებითი სივრცეები". მარნეული

21 / 06 / 2023

თბილისის აპოლონ ქუთათელაძის სახელობის სახელმწიფო სამხატვრო აკადემია, საქართველოს კულტურის, სპორტისა და ახალგაზრდობის სამინისტროს მხარდაჭერით, ახორციელებს პროექტს - "უსაზღვრო შემოქმედებითი სივრცეები".
მედია ხელოვნების ფაკულტეტის დეკანი, პროფესორი ნანა იაშვილი, სახვითი ხელოვნებისა და დიზაინის ფაკულტეტების პედაგოგები: პროფესორი მანანა ძიძიკაშვილი და დავით სილაგაძე და 6 სტუდენტი: გიორგი ცოფურაშვილი, ანა ჯაგაევი, ნინი კერატიშვილი, ლიკა თაგვაძე, თეკლა კობახიძე და ილია არქანია, მარნეულის განვითარებისა და განათლების ცენტრში შეხვდნენ მარნეულის მუნიციპალიტეტის საჯარო სკოლების მოსწავლეებს და გააცნეს სამხატვრო აკადემიის სასწავლო-შემოქმედებითი საქმიანობა. ასევე, გადასცეს სახვითი ხელოვნების ნამუშევრების შექმნისთვის საჭირო მასალები და ჩაატარეს მასტერკლასები. სტუდენტებისა და მოსწავლეების ერთობლივი თემატური ჯგუფების საქმიანობა გრძელდება დისტანციურად. პროფესორმა მაია იზორიამ წარმოადგინა პრეზენტაცია სამხატვრო აკადემიის შესახებ. შეხვედრაში მონაწილეობდნენ ცენტრის ხელმძღვანელი ემინ ახმედოვი და საქართველოს კულტურის აკადემიის აღმასრულებელი დირექტორი დენის ნესტერენკო.

მემორანდუმი სამხატვრო აკადემიასა და კულტურული მემკვიდრეობის დაცვის ეროვნულ სააგენტოს შორის

22 / 05 / 2023


სამხატვრო აკადემიაში თბილისის აპოლონ ქუთათელაძის სახელობის სახელმწიფო სამხატვრო აკადემიასა და  ახალგაზრდობის სააგენტოს შორის თანამშრომლობის მემორანდუმი გაფორმდა. დოკუმენტს ხელი მოაწერეს სააგენტოს ხელმძღვანელის მოვალეობის შემსრულებელმა, კულტურის, სპორტისა და ახალგაზრდობის მინისტრის მოადგილე  ირაკლი გივიაშვილმა და სამხატვრო აკადემიის რექტორმა ყარამან ქუთათელაძემ.
მემორანდუმის თანახმად, მხარეთა თანამშრომლობის მთავარი მიზანია სტუდენტების სრულფასოვანი განვითარებისთვის შესაფერისი გარემოს შექმნა, ასევე - სააგენტოს ხელმძღვანელობითა და მონაწილეობით განსახორციელებელ სხვადასხვა პროგრამაში, პროექტსა და ღონისძიებაში აკადემიის სტუდენტური თვითმმართველობისა და სტუდენტების აქტიური მონაწილეობის ხელშეწყობა.
მხარეები ხელს შეუწყობენ თანასწორუფლებიან თანამშრომლობას, რომელიც ითვალისწინებს სახელმწიფოს ახალგაზრდული პოლიტიკის განხორციელების პროცესში სააგენტოს მიერ აკადემიის სტუდენტური თვითმმართველობისა და სტუდენტების მონაწილეობის ხელშეწყობას მათი შესაძლებლობების გათვალისწინებით.

სახვითი ხელოვნების ფაკულტეტის სტუდენტთა გამოფენა კონსერვატორიის დიდი დარბაზის ფოიეში

15 / 05 / 2023

2023 წლის 11 მაისი - თბილისის აპოლონ ქუთათელაძის სახელობის სახელმწიფო სამხატვრო აკადემიის, სახვითი ხელოვნების ფაკულტეტის სტუდენტთა გამოფენა კონსერვატორიის დიდი დარბაზის ფოიეში. ღონისძიება სტუდენტთა შემოქმედებითი გამოცდილების გაზიარების მიზნით დაიგეგმა, რომლის პირველ ეტაპს წარმოადგენდა კონსერვატორიის სტუდენტთა მიერ ჩატარებული კამერული მუსიკის კონცერტი სამხატვრო აკადემიის სივრცეში.
პროექტის ხელმძღვანელი - თბილისის სახელმწიფო კონსერვატორიის მიწვეული პედაგოგი, პედაგოგიკის დოქტორი რუსუდან თაყაიშვილი.