ENG

29 დეკემბერს, 12:00-18:00 სთ, სამხატვრო აკადემიის ეზოში, სტუდენტური თვითმმართველობის ორგანიზებით, იგეგმება ხელნაკეთი ნივთების ბაზრობა. გამოფენა-გაყიდვაში ჩართვა შეუძლია ნებისმიერ მსურველს, ყველა ფაკულტეტიდან.
19:00 საათიდან, სამხატვრო აკადემიის საგამოფენო დარბაზში, საახალწლო ღონისძიებას მუსიკალურად გააფორმებენ კონსერვატორიის სტუდენტები. გთხოვთ, მობრძანდეთ საკარნავალო კოსტიუმებით.
21:00 საათიდან კი, ეზოში დაუკრავს Dj Hedgehogwah & GURO.
მსურველებს გთხოვთ, 26 დეკემბრამდე დაამზადოთ საახალწლო დეკორაციები დარბაზისთვის და ეზოსთვის. სამი საუკეთესო დეკორაციის ავტორი დასაჩუქრდება. დეკორაციები წარმოადგინეთ სამხატვრო აკადემიის თვითმმართველობის ოთახში. ▫️ინფორმაციისთვის დაუკავშირდით საკონტაქტო პირს: მარიამ შიოშვილი - 599462415 https://www.facebook.com/mari.shioshvili.71?mibextid=LQQJ4d
ნამუშევარს აუცილებლად დაურთეთ სახელი, გვარი და საკონტაქტო ნომერი!

20 დეკემბერი/“ხელოვნური ინტელექტი - განვრცობა კულტურაში”.
თბილისის აპოლონ ქუთათელაძის სახელობის სახელმწიფო სამხატვრო აკადემიაში გაიმართა მრგვალი მაგიდა, რომელიც განხორციელდა საქართველოში ამერიკის შეერთებული შტატების საელჩოს მიერ დაფინანსებული პროექტის - “ხელოვნებისა და ხელოვნური ინტელექტის გადაკვეთაზე” ფარგლებში. 
სპიკერები:
▫️თამთა თამარ შავგულიძე - პროექტის ხელმძღვანელი, ხელოვნებათმცოდნეობის დოქტორი, სახელმწიფო სამხატვრო აკადემიის ასისტენტ პროფესორი;
▫️ირინა ცაგარეიშვილი - არტ-ჰაკათონის მენეჯერი;
▫️დავით ჩეჩელაშვილი - ამერიკაში ბაზირებული ტექ ენტერპრენერი, იმერსიული ვიზუალიზაციისა და ხელოვნური ინტელექტის სფეროში 5 გლობალური სტარტაპის თანა-დამფუძნებელი, პროექტის “ხელოვნებისა და ხელოვნური ინტელექტის გადაკვეთაზე” გუნდის წევრი;
▫️ლელა ფირალიშვილი - ფილოსოფიის მეცნიერებათა დოქტორი, სახელმწიფო სამხატვრო აკადემიის ასოცირებული პროფესორი;
▫️თეონა ბებია - სამართალმცოდნე, ლიცენზირების და პატენტირების სპეციალისტი, პროექტის “ხელოვნებისა და ხელოვნური ინტელექტის გადაკვეთაზე” კოორდინატორი;
▫️ლანა ქარაია - ხელოვნებათმცოდნე, მუზეოლოგი, თბილისის სახელმწიფო სამხატვრო აკადემიის მუზეუმის ხელმძღვანელი;
▫️ქრისტინე დარჩია -  ხელოვნებათმცოდნე, თბილისის სახელმწიფო სამხატვრო აკადემიის მოწვეული ლექტორი

GIZ-ის მიერ გამოცხადებულ, არქიტექტურული იდეების კონკურსში მონაწილეობა მიიღო თბილისის აპოლონ ქუთათელაძის სახელობის სახელმწიფო სამხატვრო აკადემიის - არქიტექტურის ფაკულტეტის სტუდენტთა სამმა ჯგუფმა. კონკურსი მიზნად ისახავდა, „დევნილთა საცხოვრებელი სამეზობლოს ეზოს რეაბილიტაციის“ იდეის პროექტს, რომელიც ეძღვნება თბილისში, ჩუღურეთის რაიონში, ბაქოს N1-3-ში მდებარე დევნილთა კონკრეტულ დასახლებას. ინიციატივა/კონკურსის მიზანი იყო, აფხაზეთიდან იძულებით გადაადგილებულ პირთათვის, არსებული შიდა ეზოს განახლებით, საზოგადოების საერთო ფართების აღდგენა და სოციალიზაცია.
კონკურსის ფარგლებში გამოვლინდა გამარჯვებული გუნდი - თამარ ჯანგავაძისა და ბექა ჯინჭარაძის შემადგენლობით. პედაგოგები - ნანა ქუთათელაძე და ლია ქურციკიძე. სტუდენტთა მიერ შემუშავდა სკვერის კონცეპტუალური დიზაინის პროექტი. სხვა მონაწილეებს გადაეცათ სიგელები.