ENG

დრეზდენი და ფესტივალი Palais Sommer თბილისის სახელმწიფო სამხატვრო აკადემიის სახვითი ხელოვნების ფაკულტეტის სტუდენტებსა და ახალგაზრდა მხატვრებს უკვე 6 წელია მასპინძლობს. პროექტი ხორციელდება დრეზდენში მოღვაწე ქართველი მხატვრის, ბატონი ალეკო ადამიას მხარდაჭერითა და ინიციატივით. საქართველომ წელს, როგორც ყოველ წელიწადს, დიდი წარმატება მოიპოვა - გამოფენა „კულტურა / სინქრონი“ გაიხსნა ორჯერ აგვისტოს განმავლობაში, იაპონური სასახლის ბაღში არსებულ წითელ საგამოფენო კედელზე. ფესტივალის ბოლოს კი პუბლიკამ გამოავლინა ფავორიტი ნამუშევარი, რომლის ავტორიც თბილისის სახელმწიფო სამხატვრო აკადემიის ხატვის მიმართულების პედაგოგი - ბექა საყვარელიძეა და მას გადაეცა „კანალეტოს“ პრიზი 1000 ევრო. 
გამოფენაში მონაწილეობას იღებდნენ ასევე გერმანელი ცნობილი მხატვრები - ბაბაკ ნაიბი და რიტა გეისლერი ქართველ მხატვრებთან ერთად, რომლებიც არიან: ალეკო ადამია, ბექა საყვარელიძე, ლუკა გუგუშვილი, მარიამ იჩქითი, ლიკა რუსაძე, ვერიკო იობაშვილი, მედეა კედელაშვილი, ნინო ქარსამაული, ანანო ზაქარიაშვილი, მარიამ შაქარაშვილი.
გამოფენა „კულტურა / სინქრონი“ გაგრძელდება ყოველ წელიწადს.



29-30 მაისიპარიზის ხელოვნების უმაღლესი სკოლის - Ecole Nationale Supérieure d'Arts de Paris-Cergy (ENSAPC)-ის  ორი პროფესორის- Gallien Déjean (ვიზუალური ხელოვნების პროფესორი და კურატორი) და Antoine Idier (ინსტიტუტის  სასწავლო პროცესისა და კვლევის კოორდინატორი) მობილობა თსს აკადემიაში,
ერასმუს+ პროგრამის აკადემიური და ადმინისტრაციული პერსონალის მობილობის ფარგლებში.