დაზგური ფერწერა
ბაკალავრიატის საგანმანათლებლო პროგრამა:
••ფერწერა
პროგრამის ხელმძღვანელი: თსსა სრული პროფესორი დავით ალექსიძე
მაგისტრატურის საგანმანათლებლო პროგრამა:
••ფერწერა
პროგრამის ხელმძღვანელი: თსსა სრული პროფესორი გია ბუღაძე
დაზგური ფერწერის სპეციალობა საბაზისოა ყველა მედიისთვის. იგი ეფუძნება შემოქმედებითი ინოვაციებისა და ფერწერის ადრე არსებული პროგრამების საუკეთესო იდეების ერთობლიობას. ფერწერის შესწავლისას, ტრადიციულად, დიდი მნიშვნელობა ენიჭება დაწყებითი საბაზისო პოსტულატების შესწავლას ნატურმორტზე ან შიშველ მოდელთან მუშაობისას. რაც შეეხება ფერწერული კომპოზიციის პრინციპების შესწავლას, მუშაობა მიმდინარეობს კომპლექსურად, სტუდენტის პერსონალური და ინდივიდუალური ინტერესების გათვალისწინებით.
ფერწერის მიმართულებაზე ფუნქციონირებს სრული პროფესორების გია ბუღაძის და დავით ალექსიძის სახელოსნოები; სახელოსნოში სწავლება არჩევითია და დამოკიდებულია სტუდენტის ნება-სურვილზე. ამ სახელოსნოებში ასწავლიან საშტატო და მოწვეული პედაგოგები.
